Rafael Nadal, 22 herë kampioni do të tërhiqet nga tenisi në fund të këtij sezoni.
38-vjeçari do të bëjë paraqitjen e tij të fundit për Spanjën në finalet e Kupës Davis të nëntorit në Malaga.
Në një video-mesazh të lëshuar të enjten, Nadal tha: “Jam këtu për t’ju njoftuar se po tërhiqem nga tenisi profesionist.
“Realiteti është se kanë qenë vite të vështira, veçanërisht dy të fundit. Unë nuk mendoj se kam qenë në gjendje të luaj pa kufizime”, tha Nadal.
“Në këtë jetë, çdo gjë ka një fillim dhe një fund. Dhe mendoj se është koha e duhur për t’i dhënë fund një karriere që ka qenë e gjatë dhe shumë më e suksesshme nga sa mund ta kisha imagjinuar ndonjëherë.”, u shpreh ai.
NDIQE LIVE "PANORAMA TV" © Panorama.al
