Realiteti virtual tashmë është bërë i aksesueshëm dhe i përdorshëm nga studentët e
Kjo platformë është një kombinim i elementeve të shumta të teknologjisë, përfshirë realitetin virtual, realitetin e shtuar dhe videon ku përdoruesit “jetojnë” brenda një universi digjital. Mbështetësit e “Realitetit Virtual” parashikojnë që përdoruesit e tij të punojnë, të luajnë dhe të qëndrojnë të lidhur me miqtë në distancë, përmes gjithçkaje, nga koncertet dhe konferencat deri tek udhëtimet virtuale nëpër botë. Profesor Dael Dervishi në Universitetin “Luarasi” shprehet se “Realitetit Virtual” mund të përdoret në çdo profesion.
“Projekti ka të bëjë me promovimin e realitetit virtual në arsimin e lartë. Edhe ky është një projekt i financuar nga Komisioni Europian në kuadrin e programit Erasmus. Në këtë projekt, Universiteti ‘Luarasi’ së bashku me disa universitete të tjera të huaja është duke promovuar përdorimin e pajisjeve dhe të teknologjisë së realitetit virtual në universitete”, tha Dervishi.
“Realiteti Virtual” në Universitetin “Luarasi” vjen në bashkëpunim me zyrën e Agjencisë Ekzekutive të Edukimit Evropian dhe Kulturë të Komisionit Evropian. Platforma e parë virtuale daton që në vitet 2000. E quajtur “Second Life” kishte për qëllim ndërveprim dhe tregtim të objekteve virtuale.
“Realiteti Virtual” (VR), përdorimi i modelimit dhe simulimit kompjuterik që i mundëson një personi të ndërveprojë me një mjedis artificial vizual tredimensional (3D), duke na aftësuar në fusha të ndryshme. Falë përparimit të teknologjisë, ne mund të aksesojmë realitete të simuluara që përfaqësojnë digjitalisht botën në të cilën jetojmë.
Realiteti virtual ka aftësinë të zhytë përdoruesit në mjediset digjitale. Në këtë mënyrë, po përballemi me një transformim progresiv të mënyrës sonë të të jetuarit. Ne e quajmë perceptimin mënyrën se si interpretojmë atë që na rrethon. Në këtë proces, shqisat tona kanë një rol udhëheqës. Megjithatë, virtualiteti luan me ta për të krijuar një mjedis të ngjashëm me atë në të cilin zhvillohemi çdo ditë. Në seksionet që vijojnë, ne do t’u tregojmë më shumë për këtë. Fakulteti i Informatikës i Barcelonës e përkufizon realitetin virtual si ato sisteme kompjuterike që gjenerojnë përfaqësime në kohë reale të realitetit. Një botë e tillë karakterizohet nga mungesa e një mbështetjeje fizike, pra imazhi që projektohet është fiktiv dhe mbështetja jepet nëpërmjet kompjuterëve. Sipas Jorge Tamés dhe Batta, asnjë fushë e simuluar nuk është e barabartë me kontaktin e vërtetë që kemi me botën. Dhe këto parashikime ndikojnë në shqisat tona.
Një pikëpamje tjetër sugjeron se teknologjitë virtuale krijohen me synimin për të prodhuar disa efekte. Kështu, si ajo që përfaqësohet, ashtu edhe mjetet për ta arritur atë, janë entitete reale. Pra, jemi dëshmitarë të një mënyre të re për të kuptuar realitetin. Nuk është një perceptim i plotë i botës, por një mënyrë e pjesshme për të kapur realitetin. Qenia njerëzore, në realitetin virtual, privohet nga perceptimi i mjedisit të tij me gjithë qenien e tij. Në këtë rend, ndjenja e realitetit në botën virtuale varet nga faktorët fizikë dhe psikologjikë.
Të parët u referohen perceptimeve të përdoruesit në lidhje me shqisat e tyre. Nga ana tjetër, faktorët psikologjikë kanë të bëjnë me interaktivitetin e përdoruesit me realitetin virtual. Sa më i madh të jetë ndërveprimi, aq më i madh është iluzioni i realitetit. Mund të themi se realiteti virtual është një kopje e botës fizike që njohim në jetën tonë të përditshme. Ajo që ndodh është ndjenja e mashtrimit tek personi. Dhe ky perceptim e ka origjinën në mendjen tuaj nëpërmjet mjedisit të krijuar nga kompjuteri.
NDIQE LIVE "PANORAMA TV" © Panorama.al
