Pesë persona kanë vdekur pasi një aeroplan me një motor u rrëzua teksa tentoi të bënte një ulje emergjente në Nashville, Tennessee, të hënën mbrëma.
Kulla e kontrollit në aeroportin John Tune të Nashville mori një mesazh rreth orës 19:40 ET nga një pilot, i cili tha se avioni i tyre po përjetonte ndërprerje të motorit dhe rrymës dhe kishte nevojë për leje për ulje, tha Don Aaron, drejtor i marrëdhënieve publike për Policinë Metropolitane të Nashville, në një konferencë për shtyp të hënën mbrëma.
Kulla dha lejen, por avioni nuk arriti të bënte ulje. Ai u rrëzua në një autostradë dhe shpërtheu në flakë.
Njësitë zjarrfikëse janë përballur me flakë të forta pasi kanë mbërritur në vendngjarje, por kanë mundur ta shuajnë atë dhe të ruajnë provat nga vendi i ngjarjes.
Zyrtarët lokalë po punojnë me autoritetet federale për të përcaktuar se nga e ka origjinën avioni. Autoritetet gjithashtu nuk e dinë ende se kush ishte në bord.
Autostrada u mbyll pas incidentit dhe hetimet për aksidentin janë në vazhdim.
NDIQE LIVE "PANORAMA TV" © Panorama.al
