Kryeministri izraelit Benjamin Netanyahu pranoi për herë të parë sot se ai autorizoi shpërthimin e pagerëve të Hezbollahut që shpërtheu në Liban në shtator.
Deklarata shënon herën e parë që Izraeli pranon përfshirjen e tij në sulm.
“Netanyahu konfirmoi të dielën se ai dha dritën jeshile për operacionin bombardues në Liban,” tha për AFP zëdhënësi i tij, Omer Dostri, duke iu referuar sulmeve.
Kujtojmë se Hezbollahu kishte fajësuar më parë Izraelin për shpërthimet që i dhanë një goditje të madhe organizatës, e cila kishte thënë se do të hakmerrej.
🚨🚨🚨
SECOND WAVE OF BEEPERS EXPLOSIONSLebanese media report a second wave of explosions of communication devices in several locations in southern Lebanon and in the Dahiya.
There are fires in residential buildings, and vehicles are burning. It is not entirely clear what… pic.twitter.com/lVcFGlmjXS
— Voice From The East (@EastVoiceSpeaks) September 18, 2024
Shpërthimi i pagerëve
Më 17 shtator, qindra bomba që i përkisnin anëtarëve të Hezbollahut shpërthyen në të gjithë Libanin.
Pajisjet portative të përdorura nga anëtarët e Hezbollahut shpërthyen për dy ditë radhazi në supermarkete, rrugë dhe shumë vende të tjera publike, duke vrarë 40 njerëz dhe duke plagosur rreth 3,000.
Shpërthimet, të cilat ndodhën njëkohësisht në disa bastione të Hezbollahut, u përshkruan si një “shkelje izraelite” e komunikimit të grupit militant.
Një ditë më vonë, më shumë pajisje elektronike, përfshirë telefonat pa tela, u shpërthyen gjatë një funerali në Liban, në një valë të dytë sulmesh të sofistikuara vdekjeprurëse që synonin anëtarët e Hezbollahut.
Kjo ka nxitur teoritë se si dhe kur Izraeli mund të ketë “hakuar” pajisjet.
Qeveria libaneze dhe Hezbollahu gjithashtu ia atribuan shpërthimet vdekjeprurëse Izraelit. Megjithatë, deri më tani nuk ka pasur një konfirmim zyrtar për të njëjtën gjë.
NDIQE LIVE "PANORAMA TV" © Panorama.al
