Kreu i “Nismës Thurje”, Endri Shabani, tha sot në emisionin “Open” në News 24 se nuk do që të bashkëpunojë me kreun e PD-së, Sali Berisha, për zgjedhjet e 11 Majit.
Shabani tha se Berisha do që ta zhbëjë SPAK-un, ndërkohë që ai vetë do që ta fuqizojë.
Kreu i Nismës Thurje tha se është e domosdoshme që të ketë rotacion brezash, ndërsa tha se klasa e vjetër politike do që t’i mbajë gjërat, situatat të pandryshuara.
Endri Shabani: Shqipëria ka nevojë për rotacion brezash. Kemi parë dekanë dhe rektorë që bëjnë rokadë me njëri tjetrin, kanë 20 vite aty. Klasa e vjetër politike do t’i mbajë gjërat siç janë. Do ishte shumë mirë të ndodhte menjëherë por nuk e realizojmë dot pa reformuar opozitën. Për sa kohë që ke Berishën përballë, Rama i ka zgjedhjet….e patë në fushatë e fundit…Ka 30 vjet që Rama bën fushatë përballë Berishës dhe i ka fituar të gjitha betejat. Beteja e Berishës është për të zhbërë SPAK. Edhe Rama do ta dobësojë SPAK. Rama është po aq i interesuar, dhe Veliaj janë të interesuar për ta zhbërë SPAK. Unë dua ta fuqizoj SPAK…Me subjekte që nuk kanë vjedhur Shqipërinë dhe që nuk shkojnë në SPAK ne bashkëpunojmë.
NDIQE LIVE "PANORAMA TV" © Panorama.al
