Diplomati amerikan, Gabriel Escobar ka komentuar situatën e tensionuar në Veri të Kosovës ku në një intervistë për mediat gjermane ka thënë që Prishtina të dalë me një propozim për të formuar asociacionin serb të komunave.
Escobar është shprehur se nuk duhet të mbizotërojë dhuna në një situatë tensioni dhe se duhet të mbahen zgjedhje të reja në Veri për kryetarë të rinj, në komunat me shumicë serbe.
Sakaq për median Die Presse, Escobar ka thënë se Kosova duhet të marrë një qëndrim dhe të paraqesë një projekt-marrëveshje.
Mosmarrëveshja për emërimin e kryetarëve shqiptarë në veri të Kosovës ka çuar në trazira serioze me demonstruesit serbë – dhe në tensione mes Serbisë dhe Kosovës. Çfarë duhet bërë për të ulur tensionet?
Gabriel Escobar: Ne duhet të thyejmë ciklin e dhunës. Qeveria e Kosovës nuk duhet t’i detyrojë kryetarët shqiptarë në veri të kalojnë nëpër zyra komunale, të cilat janë kaq simbolike për serbët. Megjithatë, puna administrative duhet të vazhdojë. Udhëheqja e Serbisë, nga ana tjetër, duhet të dërgojë mesazhin e qartë: Dhuna nuk do të tolerohet kundër forcës paqeruajtëse të KFOR-it apo edhe kundër policisë. Dhe atëherë duhet të kërkojmë një mënyrë për të krijuar besim më të madh edhe nëse kjo do të thotë zgjedhje të reja për kryetar bashkie.
Serbia kërkon themelimin e një asociacioni serb të komunave në Kosovë. Kosova e refuzon këtë nga shqetësimi se mund të çojë në një republikë të re serbe, e cila më pas do ta bllokonte shtetin si në Bosnje dhe Hercegovinë?
Escobar: Kjo nuk do të jetë një republikë e re serbe si Bosnja dhe Hercegovina. Themelimi i Asociacionit Serb të Komunave në Kosovë është një angazhim ndërkombëtar, ligjërisht i detyrueshëm. Ato përmenden në Marrëveshjen e Brukselit, Konkluzionet e Këshillit Evropian dhe Marrëveshjen e Ohrit. Dhe ka gjithashtu një angazhim të SHBA për këtë. Pra, Asociacioni Serb i Komunave duhet të vijë. Pyetja është: si do të duket? Nëse Kosova nuk dëshiron një Republikë të re Serbe si Bosnja, duhet të na japë një ide se çfarë dëshiron. Na thanë atë që nuk duan. Tani ata duhet të na thonë se çfarë duan. Ne jemi duke pritur për këtë. Kosova duhet të lëvizë menjëherë këtu dhe të na japë një projekt-marrëveshje. Për shkak të Marrëveshjes së Ohrit
Kryeministri i Kosovës, Albin Kurti, nuk e do parimisht këtë Asociacion?
“Nuk varet nga ai. Kjo nuk është çështje mes Kurtit dhe Serbisë. Kjo është një çështje ndërmjet Republikës së Kosovës dhe Republikës së Serbisë. Edhe nëse nuk do Kurti, ky Asociacion do të bëhet. Pyetja është: a dëshiron Kosova të presë integrimin euroatlantik derisa kryeministri i saj të përmbushë detyrimet e tij ligjore?”, tha Escobar.
Escobar u pyet edhe për atë se çfarë duhet bërë për të ulur tensionet.
“Ne duhet të thyejmë ciklin e dhunës. Qeveria e Kosovës nuk duhet t’i detyrojë kryetarët shqiptarë në veri të kalojnë nëpër zyra komunale, të cilat janë kaq simbolike për serbët. Megjithatë, puna administrative duhet të vazhdojë. Udhëheqësit e Serbisë, nga ana tjetër, duhet të dërgojë mesazhin e qartë: Dhuna nuk do të tolerohet, jo kundër forcës paqeruajtëse të KFOR-it dhe jo kundër policisë. Dhe atëherë duhet të kërkojmë një mënyrë për të krijuar besim më të madh edhe nëse kjo do të thotë zgjedhje të reja për kryetarë komunash”.
NDIQE LIVE "PANORAMA TV" © Panorama.al
