Ish-banorja e “Big Brother VIP 3”, Sara Gjordeni, ka reaguar pas deklaratave të bëra nga babai i saj ditën e sotme (15 mars) lidhur me ndarjen nga nëna e modeles që kur ajo ishte në moshë të vogël, dhe pretendimet e kësaj të fundit se ai u kishte djegur shtëpinë dhe kishte tentuar ta helmonte.
Artur Gjordeni, ka rrëfyer sot se nga bashkëshortja është ndarë për shkak se ajo sipas tij e ka tradhtuar, duke hedhur poshtë akuzat e modeles.
Pas këtyre deklaratave, në një reagim të gjatë në rrjetet sociale, Sara shkruan se Artur Gjordeni është ndarë nga nëna e saj, pasi ai nuk ka përballuar dot ekonomikisht martesën.
Modelja shprehet se nëna e saj nuk e ka ndaluar kurrë ta takonte të atin, por sipas saj, ka qenë ai i cili ka zgjedhur të mos e takojë.
“Artur, sepse titullin baba se meritove kurrë. Sipas vendimit gjyqësor, ke deklaruar ne 1999 qe jeni divorcuar sepse nuk përballoje dot ekonomikisht martesën. Jo sepse ke kapur nenën time në tradhti. Turp për ty dhe gënjeshtrat e tua! Përveç kësaj, mami nuk të ka ndaluar kurrë të më takoje. E ka deklaruar në gjykatë përpara gjykatëses Mariana Velcani, gjë qe vërtetohet në vendimin t cilin e keni te dy, por ti edhe pas kësaj zgjodhe të mos më kërkoje kurrë”, shkuan Sara.
Më tej, ish-banorja e BBV, shkruan se ai nuk mund të jetë kurrë baba, pasi hodhi baltë mbi të dhe gruan që i rriti fëmijën, ndërsa shton se “sot ma theve zemrën dhe më braktise për herë të dytë!”.
Sara e ka cilësuar të atin si njeriun më të ulët në tokë, dhe shembullin më të keq të një babai.
Reagimi i plotë
Artur, sepse titullin baba se meritove kurrë. Sipas vendimit gjyqësor, ke deklaruar në 1999 qe jeni divorcuar sepse nuk përballoje dot ekonomikisht martesën. Jo sepse ke kapur nenën time në tradhti. Turp për ty dhe gënjeshtrat e tua!
Përveç kësaj, mami nuk të ka ndaluar kurrë të me takoje. E ka deklaruar në gjykatë përpara gjykatëses Mariana Velcani gjë që vërtetohet në vendimin të cilin e keni të dy, por ti edhe pas kësaj zgjodhe të mos me kërkoje kurrë.
Ti nuk mund te jesh kurrsesi baba, që për pak famë hodhe baltë mbi mua dhe gruan që e rriti fëmijën tënd të vetëm me 100 sakrifica, ndërkohe që ti nuk investove as 10 lek të vjetra për rritjen dhe shkollimin tim.
Si ke gojë të flasësh sot për fotografi në portofol? Si mundet një “baba” të dalë intervista nëpër portale pa bërë përpjekjen më të vogël të kontaktoje me mua në fillim kur më dashke kaq shumë? Sot e kuptoj përse në varrin e Milanit të vogël shkruhet vetëm “nga mami dhe Sara”
Turp turp turp!!! Sot ma theve zemrën dhe më braktise për herë të dytë! Je shembulli me i keq i një babai dhe qenia më e ulët që ka shkelur në tokë.
Rrëfimi i babait të Sara Gjordenit
Artur Gjordeni, me një foto të Sarës ku ishte fëmijë, ka treguar se është ndarë nga e ëma e Sarës, për shkak se ajo e tradhtonte duke hedhur poshtë akuzat e modeles se ka djegur banesën e tyre dhe se i ka nxjerrë nga shtëpi.
Ai shprehet se nuk e priste këtë nga vajza e tij, duke shtuar se “Sara flet kështu se e ka mësuar e ëma”.
“Babai mamanë tënde e ka lënë për tradhti bashkëshortore. Për arsye se më tradhtonte edhe e kam kapur vetë. Jam Artur Gjordeni, jam babai i Sara Gjordenin po e jap këtë intervistë se nuk e prisja këtë nga vajza ime. Më ka akuzuar se kam djegur shtëpinë dhe e kam nxjerrë nga shtëpia.
Mbasi lindi Sara kemi vajtur me shtëpi më Kuçovë në shtëpinë e një kushëriri. Me vonë ai më lajmëroi se donte t’ja lëshoja shtëpinë. Erdhi tezja e Sarës dhe na la ajo shtëpinë e saj. Unë kam qenë punonjës Policie dhe po ti kisha bërë këto gjëra do më kishin marrë policia direkt. Çfarë shtëpie kam djegur dhe kur e kam lënë jashtë me të ëmën? Unë jam rritur jetim, Sara ka lindur në fshat këtu ka qenë tre muajshe. Mbas katër muajsh kemi vajtur në Kuçovë. Kurse Sara e përgënjeshtron që thotë babain nuk e njoh. Unë e mbaj në portofol vajzën, me këtë foto u prezantua në Big Brother. Ajo flet kështu se e ka mësuar e ëma”, ka rrëfyer Artur Gjordeni.
Rrëfimi i Sara Gjordenit
Ish-banorja e Big Brother Vip, Sara Gjordeni ka shokuar me rrëfimin e saj, teksa tregoi kalvarin e vuajtjeve nga mosha 2-vjeçare.
Modelja dhe ish-Missi ka rrëfyer se pasi gjykata i dha kujdestarinë e saj të ëmës, i ati ka reaguar shumë keq dhe kur ishte 4-vjeçe tentoi ta helmonte, duke u shprehur se “për pak kam humbur jetën”.
Gjithashtu tregoi se i ati tentoi ta rrëmbente tek shtëpia e gjyshërve, ku u rrit pasi e ëma u largua në emigrim dhe e ka shantazhuar me adresa në rrjetet sociale.
“Im atë është gjallë por s’më ka kërkuar kurrë. Një herë që më ka kërkuar, më ka sjellë diçka që unë e kam konsumuar dhe për pak kam humbur jetën në moshën 4 vjeçare. Kjo tregon mos besimin tim te njerëzit. Nëse im at ishte në gjendje ta bënte atë, çfarë të pres nga të tjerët. Për 4 vite me radhë me një llogari false jam shantazhuar, ofenduar kritikuar dhe imë më ishte gjykuar për mënyrën sesi më kishte rritur. Mora vesh që pas asaj llogarie ishte sërish im atë. Prandaj nga njerëzit kisha tërheqje. Ato gjëra lënë gjurmë. Gjithmonë ka deklaruar që më ka dashur shumë, kur Gjykata ka vendosur të qëndroja me nënën. Ka reaguar shumë keq.
Njëherë e kam parë që ka vrapuar, i kam thënë dajës po më ndjek ky xhaxhi. Tim atë nuk e kam takuar kurrë. Nëna ime ka emigruar kur kam qenë 3 vjeçe. Im atë ka ushtruar dhunë ndaj sime më. Ka humbur veshkën atë natë, që prej asaj dite ka probleme me zemrën. Ka shkuar nga mali për në Greqi, ai që e ka çuar ka kaluar nga territori Kosovës.
Mami me kujtonte vetëm mua, e sapo operuar ka arritur gjallë në Greqi. Mami kur është larguar, për herë të parë ka ardhur për ditën e parë të shkollës sime. Unë kam qenë në kuzhinë, më duhet të kaloja përmes korridorit kur ishte dera hapur. Te dera shoh një zonjë të veshur shumë mirë, shumë bukur. Ishte veshur shumë mirë dhe thashë “Teze ka ardhur një teta te dera…”, ka rrëfyer mes lotësh në “Ftesë në 5”.
Sara Gjordeni ka treguar se nuk ka qenë fëmijë i vetëm, por ka pasur dy vëllezër që kanë ndërruar jetë, sipas saj, “nga pakujdesia e mjekëve”.
“Unë nuk kam qenë fëmijë i vetëm. Sot do kisha dy vëllezër. Nëna ime ka humbur dy djem. Vëllezërit kanë humbur jetën, pakujdesi e mjekësisë shqiptare”– rrëfeu modelja.
NDIQE LIVE "PANORAMA TV" © Panorama.al
