Për të pestin vit radhazi Tirana priti turneun ndërkombëtar të taekwondo, “Open G1 2024”. Gjithçka u zhvillua në Parkun Olimpik “Feti Borova” ku morën pjesë rreth 900 sportistë nga 48 shtete të botës.

Postimi i Komitetit Olimpik Kombëtar Shqiptar:

“Tirana mirëpriti për të 5 vit radhazi turneun ndërkombëtar të Taekëondo, Albanian Open G1, me pjesëmarrjen e më shumë se 900 sportistëve nga 48 shteteve të botës.

Organizuar nga 2 shoqatat, “Qendra Taekëondo” dhe “Top Gym Sport”, së bashku me Federatën Shqiptare të Taekëondo, Komitetin Olimpik Kombëtar, si edhe me mbështetjen e Bashkisë së Tiranës, ky aktivitet po kthehet në një prej kampionateve të rëndësishme të axhendës botërore të Taekëondos.

Presidenti i Komitetit Olimpik z. Fidel Ylli u shpreh shumë entuiziast për këtë organizim madhështor, të dy shoqatave të Taekëondos dhe Federatës dhe tha se duke parë numrin e madh të sportistëve vitin ardhshëm ky kampionat të zhvillohet në disa ditë.

Përfaqësuesi i Federatës Ndërkombëtare të Taekëondo dhe njëherësh Drejtori Teknik i këtij kampionati, Mustafa Akkou ka vlerësuar rëndësinë që po merr çdo vit ky aktivitet”.

PANORAMASPORT.AL

NDIQE LIVE "PANORAMA TV"

---