Ish-trajneri i Interit, Fabio Kapelo në një intervistë për “Gazzetta dello Sport” u ndal te gara për titullin e Serisë A.Napoli vuajti shumë kundër Xhenoas…
“Duhet të theksojmë, megjithatë, se të gjitha skuadrat e para fituan, por me shumë mund. Edhe Atalanta ndaj Empolit. Napoli pati një pjesë të parë të shkëlqyer, pastaj në pjesën e dytë Meret ishte vendimtar, përndryshe sdo kishin marrë tre pikë. Megjithatë, sinjale të rëndësishme, sepse fitorja kur kundërshtari të ka në litar, i jep moral dhe unitet grupit”.

Fitoi edhe Interi…
“Nuk ishte aq ekip i shkëlqyer si herët e tjera, por në fund suksesi është legjitim. Edhe nëse Lautaro vazhdon të mos shënojë, Inzagi nuk e ka shumë të sigurt titullin.”

Në heshtje, është e specializuar edhe Atalanta për ndeshjet e pista?
“Pasi fitoi Ligën e Europës, duket se ka një shpirt tjetër, një tjetër forcë për të fituar tre pikët. Fitimi të bën të ndryshosh mentalitetin tënd”.

Edhe Juventusi i Tiago Motas shpreson ta mësojë shpejt këtë, për t’u rikuperuar nga “barazimi”…
“Në Monza më në fund arriti të fitonte, por ende nuk më bindi plotësisht. Pjesa e parë e mirë, në kontroll, me Kopmeiners mirë në mesfushë, pastaj në 20-25′ e fundit skuadra mendoi vetëm të mbrohej, të zbriste veten në zonën e saj të penalltisë, thuajse ai ishte pak në këmbë, prisja një futboll pak më ndryshe”.

PANORAMASPORT.AL

NDIQE LIVE "PANORAMA TV"

---