Karlo Ançeloti thotë se Reali duhet të marrë vetëm fitoren si gjënë më pozitive të mbrëmjes, por ka shumë gjëra për të korrigjuar në lojë. Trajneri italian ka folur pas triumfit me Shtutgartin duke treguar se në fillim të sezonit është e vështirë që të dominosh ndeshjet.

NDESHJA- “Nuk mbaj mend ndonjë ndeshje të Championsit që të ketë qenë e lehtë. Gjithmonë duhet të luftosh në fillimet e sezonit, kur nuk je në formën më të mirë. Ne kishim shumë mundësi për ta mbyllur ndeshjen dhe pastaj gjetëm forcë për të realizuar sërish”.

DOMINIM- “Është e pamundur që të dominosh 90 minuta ndeshjet. Shtutgarti është një skuadër që menaxhon mjaft mirë topin. Ne vuajtëm në fillim sepse humbëm shumë duele dhe nuk po dilnim në lojën tonë. E rëndësishme është që të fitonim dhe këtë e bëmë”.

PRESION- “Nuk është e lehtë që të kalosh topat në sulm kur presioni i rivalit është i madh. Ne kemi sulmues shumë të shpejtë dhe këtë lloj loje duhet ta kishim bërë më shpejt dhe me guxim. Tani na duhet që të korrigjojmë disa gjëra të tjera për ndeshjet e ardhshme. E thashë që kishte rëndësi fitorja”.

ENDRIK- “Kishte bo… për ta goditur portën. Bravo për guximin”.

PANORAMASPORT.AL

NDIQE LIVE "PANORAMA TV"

---