Interi u mund në derbi dhe pas sfidës në fjalë, ka nisur edhe “gjyqi” për arsyet që çuan në disfatën e skuadrës e cila kuotohej nga të gjithë si ekipi më i mundshëm për të fituar titullin kampon, por që po përballet me vështirësi të mëdha në startin e këtij sezoni.

Ish-mbrojtësi zikaltër, Masimo Paganin, në nëj intervistë për mediat italiane tha se pjesë e problemit është edhe fakti që alternativat në stol të Interit, nuk janë ende në lartësinë e titullarëve, edhe pse janë investime për të ardhmen. Dhe si shembull ai ka marrë pikërisht Kristjan Asllanin, i cili edhe në ndeshjen e mbrëmshme mori vendin e Çalhanollu në fundin e sfidës.

“Asllani nuk është Çalhanollu, i mungon aftësia që të ndërtojë para mbrojtjes. Mkhitarjan ka karakteristika të ndryshme nga Fratezi dhe ky i fundit është një lojtar që kërkon depërtimin, jo një ndërtues aksionesh, dhe nga kjo Interi humbi diçka në mënyrën e ndërtimit të lojës nga poshtë.

Fratezi ka qenë një blerje shumë e mirë, duhet të rritet Asllani në atë rol., pasi distanca mes tij dhe Çalhanollu është shumë e madhe”, ishte mendimi i ish-mbrojtësit i vili ka luajtur me Interin në vitet ’90 dhe ka fituar me të Kupën UEFA.

PANORAMASPORT.AL

NDIQE LIVE "PANORAMA TV"

---