Për shkak të dëmtimit të Manuel Neuer (frakturë në brinjë) dhe mungesës së Sven Ulraich (arsye personale),është duke shqyrtuar mundësinë e nënshkrimit të një portieri të ri gjatë afatit kalimtar të dimrit, raporton Bild.Aktualisht, porta për skuadrën e Mynihut po mbrohet nga izraeliti Daniel Perec, megjithatë, drejtuesit e klubit janë të shqetësuar për mungesën e alternativave me përvojë për lojtarin 24-vjeçar. Sipas “Bild”, në mesin e kandidatëve të mundshëm është edhe Loris Karius, ish-portieri i Njukasëllit dhe Liverpulit, i cili aktualisht është pa klub.

Gjithashtu po konsiderohet nënshkrimi i një portieri nga Bundesliga apo niveli i dytë i futbollit gjerman. Për Karius, i cili së fundmi u martua me prezantuesen televizive Dileta Leota në ishullin Vulkano, një telefonatë nga Bajern Mynih mund të përfaqësojnë një mundësi për të rifilluar karrierën e tij.

ZËVENDËSUESI – Në kërkimin e tyre për një sulmues rezervë me potencial të lartë, Bajerni po shikon Markus Rashford nga Mançester Junajtid. Sipas portalit britanik “CaughtOffside”, Junajtid me sa duket po planifikon të ndahet me Rashford në mënyrë që të gjenerojë burime financiare për një ristrukturim të skuadrës, çmimi i vendosur është 40 milionë paund.

Përveç PSG-së dhe Barcelonës, një palë e mundshme e interesuar konsiderohet edhe Bajerni. Vitet e fundit, futbollisti anglez është lidhur vazhdimisht me Mynihu. Par pak kohësh, supozohej se anglezi mund të lëvizte në një transferim të lirë pasi kontrata e tij përfundoi në verën e vitit 2024.

Sidoqoftë, ky supozim u përmbys në korrik 2023 kur Markus zgjati kontratën e tij me Mançester Junajtid deri në 2028. Pavarësisht këtij angazhimi afatgjatë, “Djajtë” duken të gatshëm të lënë Rashford të largohet nëse bëhet një ofertë e përshtatshme. 27-vjeçari do të ishte një përforcim interesant për bavarezët, pasi aktualisht nuk ka një zëvendësues të denjë për Herri Kejn.

SAIMIR MBËRSI-PANORAMASPORT.AL

NDIQE LIVE "PANORAMA TV"

---