Shkarkimi i Hansi Flik nga drejtimi i Gjermanisë ka hapur shumë diskutime rreth emrit që do të jetë pasardhësi i tij. Shumëkush mendon se ky është momenti perfekt për Julian Nagelsman, i cili është një nga të rinjtë më të vlerësuar të dekadës së fundit.

Por sipas Mikael Balak, Federata Gjermane duhet të insistojë për Luis Van Gal i cili ka dalë në skenë si një alternativë për EURO 2024 që organizohet pikërisht në Gjermani.

“Duhet të orientohesh gjithmonë drejt më të mirëve dhe unë do të zgjidhja Van Gal pasi është i jashtëzakonshëm. Sigurisht, nuk është një person me karakterin më të thjeshtë të mundshëm, por kjo nuk duhet të jetë një e keqe detyrimisht. Ai është një njeri për të cilin ka respekt, ka jashtëzakonisht shumë eksperiencë në pankinë, ka gjithçka që nevojitet. Do të duhet thjesht që të ambientohemi me faktin që nuk është gjerman por holandez”, tha ai, duke kujtuar një rivalitet të ndezur që ekziston gjithmonë mes dy vendeve.

PANORAMASPORT.AL

NDIQE LIVE "PANORAMA TV"

---