Barça poshtëroi Bajernin në Ligën e Kampionëve. Padyshim Tomas Myler nuk e ka pritur mirë humbjen 4-1 dhe e bën të qartë se skuadra e Mynihut ka ende shumë punë për t’u përmirësuar.

“Sigurisht që kjo nuk është një ndjenjë e mirë. Kemi ardhur këtu për të fituar, por kemi humbur 4-1, kështu që kemi ende shumë punë për të bërë”, tha Tomas Myler pas ndeshjes. “Plakushi” bavarez ishte në mëdyshje për arsyet pse mund të ndodhte një disfatë i tillë.

“Ndoshta na mungonte vetëbesimi në fund për shkak të rezultatit dhe sepse dukej sikur luajtëm keq”, u përpoq të gjente një shpjegim 35- vjeçari. “Nëse shikojmë prapa dhe analizojmë, do të shohim se Barcelona ka pasur më shumë momente të mira se ne. Përshtypja e mungesës së vetëbesimit u krijua sepse presioni nuk ishte aq i lartë sa donim. Ne nuk luajtëm ashtu siç mund të luanim. Ndoshta është njerëzore të rikthehesh pas një disfate 4-1 dhe të provosh sërish, por nuk është aq e lehtë”. Në fund, sipas Tomas Myler, duhet të respektoni se Barça është një ekip i mirë dhe Rafinja:

“Ata patën një mbrëmje pothuajse perfekte, ndërsa ne humbëm raste të mira”, përfundoi Myler. Fakti është se Bajerni tashmë është nën një presion të madh në Ligën e Kampionëve pas tri nga tetë ndeshjesh. Pas dy humbjeve radhazi dhe vetëm tri pikëve, bavarezët mbajnë vetëm vendin e 23-të, që do të mjaftonte vetëm për të marrë pjesë në play-off. Por ky nuk është sigurisht qëllimi i gjigandët nga Mynihu. Të besuarit e Vinsent Kompani vazhdojnë me ndeshjen në shtëpi kundër Benfikës më 6 nëntor.

PANORAMASPORT.AL

NDIQE LIVE "PANORAMA TV"

---