Trajneri i Barcelonës, Hansi Flik vendosi t’u japë lojtarëve të tij një ditë pushim të premten pas suksesit kundër Bilbaos në gjysmëfinalen e Superkupës. Shumica e lojtarëve e kaluan mëngjesin në hotel, por pak nga pak u larguan në grupe të ndryshme.

Një nga më të mëdhenjtë ishte ai i përbërë nga Olmo, Ferran, Pedri, Injigo dhe Erik Garsia, të cilët fillimisht u larguan nga hoteli në këmbë dhe, pasi shëtitën nëpër qytet, hëngrën së bashku në restorantin më të mirë sushi në Xhedah. Pastaj Gavi, Lamin, Fermin, Arauho dhe Balde u bashkuan me ta. Kubarsi, për shembull, përfitoi nga fakti që prindërit e tij kishin udhëtuar në Arabi për të ngrënë me ta në të njëjtin vend me kolegët e tij, ndërsa Pablo Torre doli me agjentin e tij dhe disa miq. Kasado dhe Pau Viktor gjithashtu përfituan nga dita e pushimit së bashku.

LAPORTA – Pas gjithë adrenalinës së ditëve të fundit për shkak të “rastit Olmo”, Presidenti Laporta çliroi tensionin duke luajtur një ndeshje futbolli me drejtorin sportiv, Deko, zëvendësin i tij, Bojan Kërkiç, si dhe disa drejtues të tjerë, përfshirë Rafa Justen. Flik, nga ana tjetër, zgjodhi të mos largohej nga hoteli dhe zgjodhi të përgatitej tërësisht për finalen. Disa anëtarë të stafit, megjithatë, shfrytëzuan rastin për të vizituar Al-Balad, qytetin e vjetër me një treg të mbushur plot me dyqane parfumesh dhe temjani.

JAMAL – Por natyrisht që një mendje e lojtarëve të Bqarcelonës është te finalja e madhe e Supekrupës të dielën në mbrëmje kundër Realit të Madridit. Ka qenë ylli i Barcelonës, Lamin Jamal, i cilki ka zgjedhur të komentojë finalen. Ai e ka bërë të qartë se Barcelona nuk i druhet Realit, por e respekton kundërshtarin. Megjithatë ai dëshiron që të jetë protagonist dhe katalanasit të fitojnë trofeun e parë sezonal me Hansi Flikun në krye.

“Kemi bërë gjysmën e punës, duke mbërritur në finale. Por nuk duhet të mjaftohemi me kaq. Kur arrin në finale, hapi i radhës është fitimi i saj. Do të jetë shumë e vështirë, pasi përballë do të kemi një rival të denjë. Ne shpresojmë të fitojmë dhe të kthehemi në shtëpi me titullin”, tha Jamal.

Përgatiti: LEDJO SEFERKOLLI – PANORAMASPORT.AL

NDIQE LIVE "PANORAMA TV"

---