Superliga e basketbollit për meshkuj do të nisë sot fazën e dytë. Takimi hapës i javës së gjashtë është ndërmjet Besëlidhjes dhe Apolonisë në orën 17:00 në pallatin e sportit “Asllan Rusi”.Lezhjanët vijnë pas një ecurie fantastike rezultatesh, duke i fituar të pesta ndeshjet e zhvilluara. Ndërsa ecuria e skuadrës së Afrim Bilalit është e jashtëzakonshme, me 32 fitoreve radhazi që prej kampionatit të kaluar, në të cilin u shpallën kampionë pa asnjë humbje.

Moment të mirë po kalon edhe Apolonia, me ekipin fierak që vjen pas dy triumfesh, ndaj Tiranës në transfertë dhe Vllaznisë në shtëpi. Sot gjithashtu do të zhvillohet edhe ndeshja Kamza-Tirana, një takim interesant në orën 18:00 në Bathore, ku do të përballen përkatësisht vendi i tretë dhe i dytë.

Java do të kompletohet të shtunën me ndeshjen Teuta-Vllaznia në orën 19:00 në Durrës. Sot do të zhvillohen gjithashtu edhe sfidat Elbasani-Fieri (18:00) për Kategorinë e Parë, si dhe Partizani-Vllaznia (15:00) në Kategorinë e Parë.

PANORAMASPORT.AL

NDIQE LIVE "PANORAMA TV"

---