Ka luajtur 12 ndeshje si titullar dhe 5 nga stoli, në 23 ndeshjet e para të sezonit. Deri tani ka arritur të marrë 1.103 minuta ku ka shënuar një gol dhe ka dhënë një asist. Nuk bën pjesë në treshen e mbrojtjes, por Jan Bisek tashmë është një siguri për Simone Inzagin.

Erdhi si surprizë në merkaton e verës në vitin 2003 për 7 milionë euro nga danezët e Arhus. Mbrojtësi gjerman ka bërë rrugë të mirë në klubin zikaltër. Ëshë një rast, për të cilin shumë skuadra nga Anglia kanë ngritur antenat. Mes tyre Totenhemi dhe Uest Hemi. Sipas lajmeve nga Londra, si Uest Hemi ashtu edhe Spërsat janë në kërkim të një mbrojtësi qëndror fizik dhe të ri në moshë.

Për këtë arsye kanë dërguar vëzhgues në ndeshjen Inter-Parma për të parë nga afër mbrojtësin. Shënimet që kanë mbajtur kanë qenë shumë pozitive dhe tani pritet një derbi londinez për të. Në këtë moment, sigurisht që mbetet për t’u parë pozicioni i Interit në këtë situatë.

Ata e konsiderojnë një lojtar për të ardhmen, por një ofertë 42 milionë euro do të ishte joshëse. Për momentin zikaltrit janë duke vëzhguar Jaka Bijol si një nga alternativat që mund të zëvendësojë Açerbin, pa harruar që Bisek është lojtar që mbulon dy role në mesfushë.

PANORAMASPORT.AL

NDIQE LIVE "PANORAMA TV"

---