Bylis ka mposhtur 4 me 0 Teutën në javën e 10-të të Superiores. Tre pikë që largojnë ballshiotët nga vendi i fundit, që aktualisht mbahet nga Laçi me një ndeshje më shumë për të luajtur.

Nga dy gola për secilën pjesë shënuan vendasit në “Adush Muçaj”. Kryesori Ditmir Grimçi akordoi nga një penallti për secilën pjesë në favor të Bylisit.

Golat u shënuan nga Abazaj, Berko, Ruçi dhe Gjata. Me këtë humbje, skuadra e Edi Martinit mbetet në vendin e gjashtë. Asnjë fitore nuk numëron Martini përballë Dedes si trajner.

REZULTATI PËRFUNDIMTAR

BYLIS 4-0 TEUTA

4′ Abazaj, 22′ Berko, 66′ Ruçi, 83′ Gjata

NGJARJET KRYESORE

90+3′ Mbyllet ndeshja.

90′ Akordohen 3 minuta shtesë.

84′ Tepshi merr vendin e Nasr te Teuta.

84′ Treni aktivizohet në vendin e Sulovarit.

81′-83′ GOOOOL! Penallti e dytë për Bylisin që realizohet nga Gjata që u fut në fushë 5 minuta më parë. Ky i fundit nuk feston sepse shënoi përballë ish-skuadrës. (VIDEO)

79′ Teuta provon të ndryshojë diçka, por pa sukses. (VIDEO)

77′ Abazaj dhe Berko largohen respektivisht për Gjatën dhe Karneiron.

73′ Karton i verdhë për Kotobellin, që do të mungojë në sfidën e radhës.

72′ Ualison merr vendin e Malomos. Largohet dhe Ruçi për t’i lënë vendin Kasajt.

68′ Boçi nga Teuta ndëshkohet me karton të verdhë për faull.

66′ GOOOL! Vendasit trefishojnë shifrat me Ruçin që ka dhe dedikim të veçantë pas golit. Krosimi i Malomos në zonë shfrytëzohet me kokë nga Ruçi. (VIDEO)

59′ Krosim i rrezikshëm në zonë. Ofor largon për siguri në këndore. (VIDEO)

54′ Goditje dënimi për Teutën. I pafat Toma që gjen shtyllin me topin që dhe pati devijim. (VIDEO)

50′ Goditja e katërt nga këndi për Bylisin, asnjë ndërkohë nga durrsakët.

47′ Ruçi tenton portën e Tafas. Topi përfundon jashtë.

46′ Nis pjesa e dytë me dy ndryshime nga Teuta. Martini hedh në fushë Boçin dhe Karabecin, respektivisht në vendin e Ergys Peposhit dhe Ardit Peposhit.

45’+4′ Mbyllet pjesa e parë e sfidës me rezultatin 2 me 0 për vendasit.

45’+3’ Ardit Peposhi shpërdoron rastin për të rihapur sfidën. (VIDEO)

45’+1′ Kotobelli gjuan me kokë pas një harkimi të marrë në zonë, portieri i Bylisit arrin ta presë. (VIDEO)

45′ Akordohen 3 minuta shtesë!

43’ Sulovari nis një kundërsulm dhe i pason Ruçit, ky i fundit gjuan drejt portës së Tafasit por portieri tregohet i saktë dhe arrin ta presë. (VIDEO)

37’ Berko gjen Peraltën, ky i fundit nuk arrin të shënjestrojë me të majtën duke shpërdoruar mundësinë për të trefishuar shifrat. (VIDEO)

35’ Durrsakët pretendojnë për 11-metërsh, por arbitri vijon lojën.

33’ Durrsakët patën një mundësi të mirë me Ledjo Beqja dhe Tomën, por portieri i Bylisit bën detyrën. (VIDEO)

24′ Simeu lë fushën e blertë, zëvendësohet nga Marku.

22′ GOOOOL BYLIS 2-0/ Vendasit nuk falin, shënojnë shumë shpejt golin e dytë duke shtangur Teutën. (VIDEO)

20′ Largohet Emiljano Vila, në lojë futet Torraj.

21′ Vila nuk mund të vazhdojë për shkak dëmtimi.

18′ Berko kroson nga vendasit. Bylisi pretendon tjetër penallti për prekje me dorë, pasi topi largohet nga Kotobelli. Loja vazhdon normalisht. (VIDEO)

16′ Ofor këshillohet për ndërhyrje të gabuar ndaj Vilës. (VIDEO)

15′ Toma kërkon faull në sulm për Teutën. Loja vazhdon me topin që e kontrollon Bylisi.

13′ I dëmtuar mbetet Sulovari pas kontaktit me Ergys Peposhin. Ndërhyrja konsiderohet e rregullt dhe gjithçka vazhdon me Teutën që fiton disa metra.

10′ Ofor humb rastin e artë për dyfishimin e shifrave nga ana e Bylisit. Berko, i cili ishte në pozicion të dyshimtë, niset dhe pason për Ofor. Goditja e këtij të fundit pritet nga Tafas. Këndorja e parë, që mbyllet pa probleme për Teutën. (VIDEO)

3′-4′ GOOOL! Penallti për Bylisin pas ndërhyrjes së Simeus ndaj Malomos. Kryesori Ditmir Grimci nuk ka dyshime. Abazaj merr përsipër penalltinë dhe shënon përballë Tafas. (VIDEO)

2′ Peralta tenton nga distanca, por topi përfundon jashtë.

1′ Nis ndeshja në Ballsh.

FORMACIONET ZYRTARE

BYLIS: Beqaj, De Souza, Sulovari, Ofori, Berko, Malomo, Ruçi, Marku, Peralta, Përgjoni, Abazaj

Trajner: Nevil Dede

TEUTA: Tafas, Kotobelli, Lloci, Simeu, Kruja, E. Peposhi, Vila, A. Peposhi, Nasr, Toma, Beqja

Trajner: Edi Martini

PANORAMASPORT.AL

NDIQE LIVE "PANORAMA TV"

---