Bylisi u mund në Durrës në javën e parë të kampionatit. Disfata 2-1 erdhi në limitet e transfertës me Teutën, ku ballshiotët kishin mundësi edhe për fitore. Atyre iu anulua një gol, për të cilin te Bylisi kanë rezerva, duke pretenduar se është i rregullt.

Ka po ashtu rezerva edhe për disa episode, ku lojtarët vendës nuk ndëshkoheshin. Megjithatë, në Durrës skuadra e trajnerit Egbo tregoi se ka cilësi, ka individë vërtet interesantë. Organika është e pasur dhe shpresat janë që skuadra të vijë duke u konsoliduar, por priten edhe dy afrime, një mbrojtës qendre dhe një sulmues. Dy lojtarë që do t’i jepnin më shumë kualitet formacionit të trajnerit Emanuel Egbo.

Para ndeshjes së parë me Teutën ballshiotët prezantuan plot 12 afrime, pasi përveç ekipit të parë është menduar edhe për U-21-shin dhe U-19-ën, me këtë të fundit që merr pjesë në Ligën e Kampionëve për të rinj. Tani vëmendja ka kaluar te sfida e radhës me Dinamon, që luhet në Ballsh dhe objektivi është fitorja e parë sezonale.

E. SALIU- PANORAMASPORT.AL

NDIQE LIVE "PANORAMA TV"

---