Dinamo dhe Bylisi kanë ndarë pikët në barazimin 1-1 në ndeshjen e luajtur sot në “Elbasan Arena”, ku blutë kanë qenë me fat duke shmangur humbjen.

Pavarësisht pozitave në kahe të kundërta në klasifikim dhe objektivave plotësisht të ndryshëm, kanë qenë ballshiotët ata që kanë dominuar në lojë, duke krijuar vazhdimisht raste shënimi para portës së Teqjes.

Malomo i dha avantazhin Bylisit në fillimin e pjesës së dytë dhe iu afrua edhe golit për dyfishimin e rezultatit, ndërsa Dinamo e kishte shumë të vështirë të reagonte. Megjithatë, një goditje këndi dhe gjuajtja e të zakonshmit Mandela solli barazimin për Dinamon që u zgjua disi në minutat e mbetura të sfidës, por përsëri pa qenë aq e rrezikshme sa skuadra ballshiote që i shkoi më afër fitores deri në sekondat e fundit.

Në fund, barazimi lë Dinamon në vendin e tretë, ashtu si Bylisin në të fundit, por me ballshiotët të cilët i janë afruar skuadrave që kanë më lart në renditje.

DINAMO 1-1 BYLIS
68′ Mandela / 52′ Malomo

NGJARJET KRYESORE:

90’+6’ Mbyllet ndeshja me barazimin 1-1.

90’+5’ Një goditje dënimi e ballshiotëve në fund mund të sillte golin e fitores, por askush nuk ia del të gjuajë para portës së Teqjes.

90’+4’ Lorran nga e majta harkon në zonë, sfera ndalet në duart e portierit.

90’+2’ Përgjoni i lë vendin në fushë Mahmutit në radhët e Bylisit.

90’ Jepen 4 minuta shtesë.

90’ Beqaj shpëton ballshiotët nga goli i përmbysjes së Mandelës, i cili gjuan nga distancë e afërt por gjen ndërhyrjen e portierit. (VIDEO)

89’ Bruno ndëshkohet me karton të verdhë në radhët e ballshiotëve.

84’ Lorran nga e majta nis një krosim në qendër për Vilën, i cili nuk ia del të devijojë para portës. (VIDEO)

82’ Tjetër seri zëvendësimesh nga skuadrat. Malomo dhe Ruçi i lënë vendin në fushë Trenit dhe Gjatës te Bylisi. Vila dhe Doci marrin vendin e Bregut dhe Qefaliajt te Dinamo.

80’ Top në thellësi për Ualison, Teqja del dhe me këmbë largon rrezikun.

79’ Malomo shfaqet përsëri rrezikshëm në të djathtën, gjuajtja e tij devijohet nga Dita e më pas nga vetë sulmuesi me sferën që shkon jashtë. (VIDEO)

75’ Kasaj ndëshkohet me karton të verdhë për një ndërhyrje ndaj Maliqit.

73’ Berko dhe Sulovari i lënë vendin në fushë Ualison dhe Kasajt në radhët e Bylisit.

72’ Situata zhvendoset në portën tjetër ku Maliqi pas një kundërsulmi del i vetëm me portën bosh, por në mënyrë të papritur çon sferën jashtë. (VIDEO)

71’ Mundësi e artë për Berko i cili gjuan në shtyllën e parë nga e djathta por gjen përgjigjen me këmbë të portierit Teqja. (VIDEO)

70’ Maliqi merr vendin e Gudiabi në radhët e Dinamos.

68’ GOOOL DINAMO! Pas një goditje nga këndi, sfera arrin të Mandela i cili me kokë çon sferën në rrjetë. (VIDEO)

65’ Qefalija nis një harkim në qendër për Zabërgjën, Bruno e mbyll mirë në momentin vendimtar.

62’ Mundohet të reagojë Dinamo, me harkime radhazi në zonën e ballshiotëve, të cilët janë të pozicionuar mirë dhe largojnë rrezikun.

60’ Malomo i afrohet golit të dytë me një tjetër predhë me të djathtën, këtë herë topi ndalet në kryqëzimin e shtyllave të portës së Dinamos. (VIDEO)

59’ Qefalija ndëshkohet me karton të verdhë pasi ndal në mënyrë të parregullt Peraltan.

57’ Krosim në zonë i Bregut, Zabërgja nuk ia del të devijojë para portës.

55’ Ruçi ndëshkohet me karton të verdhë pas një ndërhyrje në mesfushë.

54’ Toli i lë vendin Karamba në radhët e Dinamos.

52’ GOOOL BYLISI! Përgjoni i afrohet zonës dhe lëshon një gjuajtje të fortë me të majtën, e cila ndalet në shtyllë. Sfera kthehet te Malomo në të djathtën, me futbollistin e ballshiotëve i cili lëshon një gjuajtje të fortë duke mposhtur portierin Teqja. (VIDEO)

50’ Sulovari harkon në zonë, Gudiabi ndal sferën mes protestave të ballshiotëve që pretendojnë për një prekje topi me dorë. (VIDEO)

46’ Ruçi nis një harkim të artë për Berkon i cili gabon brenda zonës duke mos devijuar drejt portës me kokë fillimisht e pastaj me këmbë. (VIDEO)

46’ Pjesa e dytë e ndeshjes nis pa zëvendësime.

45’+5’ Mbyllet pa gola pjesa e parë.

45’+5’ Malomo ndëshkohet me karton të verdhë pasi ndal një kundërsulm të bluve.

45’+3’ Përgjoni niset në të djathtën, Toli mbyll me një ndërhyrje vendimtare.

45’+2’ Goditje këndi radhazi për blutë, por askush nuk ka shënjestrën për të gjuajtur në portë.

45’ Jepen 5 minuta shtesë.

42’ Bregu gjen hapësirën nga e majta dhe lëshon një gjuajtje të rrufeshme, sfera devijohet mbi traversë nga portieri Beqaj. (VIDEO)

34’ Ka përplasje të shumta dhe faulle që ulin ndjeshëm ritmin e ndeshjes në këto minuta.

27’-30′ Pas një goditje dënimi, Marku gjuan dhe gjen përgjigjen e Teqjes. Topi kthehet përsëri te futbollisti i Bylisit i cili me goditjen e dytë çon sferën në rrjetë. Goli anulohet nga asistenti për pozicion jashtë loje, por kërkohet rishikimi nga VAR, i cili pas 3 minutash pritje konfirmon pozicionin jashtë loje (VIDEO).

25’ Një goditje dënimi e Bregut gjen Zabërgjën në zonë, por gjuajtja me kokë e sulmuesit shkon larg katërkëndorit.

23’ Zabërgja del në sulm në krahun e djathtë, shmang fillimisht portierin Beqaj por pastaj ndalet nga ky i fundit në momentin e pasimit. (VIDEO)

20’ Qarkullim i gjatë i Dinamos që përpiqet tashmë të krijojë aksione sulmuese

14′ Tjetër aksion i rrezikshëm nga Bylisi. Malomo shpërdoron përballë Teqjas, teksa mund të kishte bërë më mirë. (VIDEO)

10′ Berko nis një top për Malomon. Topi i goditur nga ballshiotët kontrollohet pa probleme nga Teqja. (VIDEO)

6’ Dy skuadrat luajnë një lojë të hapur në minutat e parë, por me shumë gabime në momentin që i afrohen zonës kundërshtare, pa prodhuar rrezikshmëri.

1′ Nis ndeshja në Elbasan.

FORMACIONET ZYRTARE

DINAMO: Teqja, Zabërgja, Bakari, Itodo, Bregu, Qefalija, Dita, Meksi, Aliji, Loran, Toli

Trajner: Ilir Daja

BYLIS: Beqaj, De Souza, Ruçi, Malomo, Sulovari, Ofori, Berko, Marku, Peralta, Përgjoni, Abazaj

Trajner: Nevil Dede

PANORAMASPORT.AL

NDIQE LIVE "PANORAMA TV"

---