Dortmundi frikë nga spiunët, Nuri Shahin: Do të surprizojmë Këtë të martë, Borusia Dortmund do të përballet me Real Madridin në “Santiago Bernabéu” në ditën e tretë të ligës së re të Ligës së Kampionëve të reformuar.

Një nga gjërat që ka tërhequr më shumë vëmendjen në prag të ripërtëritjes së finales së fundit në kompeticionin më të lartë kontinental (skuadra gjermane u mund 0-2 në Uembli) ka qenë një masë kurioze e zbatuar nga trajneri i tyre, ishlojtari i Real Madridit, Nuri Shahin. Për herë të parë, Dortmundi ka vendosur që të mos zhvillojë stërvitjen e zakonshme para ndeshjes në stadiumin rival. Në vend të kësaj, skuadra përfundoi seancën përgatitore këtë të hënë në qytetin e vet sportiv në Dortmund dhe më pas u nis për në Madrid pasdite.

Sipas gazetës gjermane “Bild” në versionin e saj online, arsyeja e këtij vendimi duket se është frika e Shahinit se spiunët e Real Madridit mund të vëzhgojnë stërvitjen dhe të studiojnë taktikat me të cilat ai planifikon të befasojë skuadrën e drejtuar nga Ançeloti.

Vetë trajneri ka dalë në konferencë për shtyp, duke “skanuar” rivalin: “Mentaliteti nuk mjafton për të mbijetuar me Madridin. Në fund, ata janë kampionë, na duhet gjithçka sot. Na duhet edhe mentaliteti. Ne duam që gjithçka të funksionojë në favorin tonë. Kthimi në Madridi do të thotë shumë për mua. Ka qenë gjithmonë ëndrra ime të luaja për Madridin. Djali im ka lindur në këtë qytet. Unë kam privilegjin të jem sot në këtë stadium. Mënyra sesi do ta ndalojmë Mbape dhe Vinicius është se do të luajmë si skuadër, jo vetëm për të ndaluar ata dy lojtarë shembullorë, por kundër të gjithëve. Duhet të veprojmë si ekip. Ne duam të përballemi me Madridin, të luajmë futbollin tonë. Duhet të jemi të guximshëm, e kemi nisur mirë garën dhe duam të vazhdojmë kështu”, e mbylli Shahini.

PANORAMASPORT.AL

NDIQE LIVE "PANORAMA TV"

---