Vetëm një balotazh ka trajneri Simone Inzagi për transfertën e vështirë kundër Fiorentinës, ku Interi i tij duhet të vazhdojë ecurinë pozitive. Sigurisht që lodhja me Lajpcigun është një arsye për të aktivizuar futbollistë të tjerë, por nuk ka shumë alternativa dhe vend për rrotacion.

Kështu që në portë do të jetë Zomer, përpara tij treshja Bisek, Bastoni dhe De Vraj. Nga krahët Darmian dhe Dumfris kanë një betejë mes tyre për fanellën e titullarit, ndërsa në të majtë do të konfirmohet Dimarko. Mesfusha do të jetë ajo e tre “muskëtierëve”, ku Çalhanoglu përpara mbrojtjes do të ketë mbështetjen e Barelës dhe Mkitarianit. Në sulm pritet të luajë dyshja TU-LA, ndërsa të tjerët janë të gatshëm për të dhënë kontributin për skuadrën. Korrea është në formë, por do ta nisë patjetër nga stoli.

FIORENTINA- Kjo është një sfidë shumë delikate për Interin që në fakt do të provohet me një prej ekipeve më të forta të kampionatit italian. Fiorentina është një prej surprizave dhe sigurisht që Simone Inzagi e di mirë çfarë rëndësie ka kjo sfidë. Duhet të rikthehet të fitojë një duel ndaj skuadrave të mëdha sepse deri tani ecuria nuk ka qenë shumë pozitive.

Vitin e kaluar ishin pikërisht këto përballje ndaj të mëdhave që i dhanë hov Interit për titullin, ndërsa në këtë sezon skuadra është shfaqur e brishtë në këto përballje. E vetmja e fituar është ajo ndaj Atalantës dhe me goleadë. Tani është momenti për t’u rikthyer sërish. A do t’ia dalë Interi? Gjithçka mbetet për t’u parë.

PANORAMASPORT.AL

NDIQE LIVE "PANORAMA TV"

---