Mëngjesin e sotëm është ndarë nga jeta një tjetër legjendë e futbollit shqiptar, Sefedin Braho. Në moshën 71-vjeçare, ish-sulmuesi i Kombëtares, Partizanit dhe Luftëtarit të Gjirokastrës, Sefedin Braho, ka humbur jetën pas një beteje me sëmundjen në ditët e fundit, ku si pasojë ka pasur hemoragji në stomak.Braho spikati falë talentit të tij, duke qenë një prej lojtarëve më të shquar të futbollit shqiptar në vitet 70-80. Ai njihej me nofkën “shigjeta”, për shkak të shpejtësisë, elegances dhe driblimit të tij.

Në kampionatin shqiptar ka luajtur për Partizanin dhe Luftëtarin, ndërsa me ekipin përfaqësues ka zhvilluar 9 ndeshje, duke realizuar edhe një gol.

Redaksia e gazetës “Panorama Sport” i shpreh ngushëllimet më të sinqerta familjes Braho për këtë ndarje të parakohshme nga jeta të një prej ish-futbollistëve magjik që ka pasur Shqipëria.

Postimi i Luftëtarit

𝐍𝐠𝐮𝐬𝐡𝐞̈𝐥𝐥𝐢𝐦𝐞𝐭 𝐦𝐞̈ 𝐭𝐞̈ 𝐬𝐢𝐧𝐪𝐞𝐫𝐭𝐚 𝐧𝐠𝐚 𝐤𝐥𝐮𝐛𝐢 𝐀𝐒 𝐋𝐮𝐟𝐭𝐞𝐭𝐚𝐫𝐢𝐭 𝐟𝐚𝐦𝐢𝐥𝐣𝐞𝐬 𝐁𝐫𝐚𝐡𝐨, 𝐦𝐢𝐪𝐯𝐞 𝐝𝐡𝐞 𝐭𝐞̈ 𝐚𝐟𝐞̈𝐫𝐦𝐯𝐞 𝐭𝐞̈ 𝐭𝐢𝐣. 𝐊𝐮𝐣𝐭𝐢𝐦𝐢 𝐢 𝐭𝐢𝐣 𝐝𝐨 𝐭𝐞̈ 𝐦𝐛𝐞𝐭𝐞𝐭 𝐢 𝐩𝐚𝐡𝐚𝐫𝐫𝐮𝐚𝐫. 𝐓𝐞̈ 𝐩𝐫𝐞𝐡𝐞𝐬𝐡 𝐧𝐞̈ 𝐩𝐚𝐪𝐞 𝐥𝐞𝐠𝐣𝐞𝐧𝐝𝐞̈ !