Edison Ndreca mund ta humbasë ndeshjen hapëse të kampionatit me Dinamon. Titullari i Egnatias ka një shqetësim muskulor dhe stafi teknik me shumë mundësi nuk do ta rrezikojë të dielën në “Elbasan Arena”.

Vendin e tij në të majtë mund ta marrë Alijev, ndërkohë që nga minuta e parë pritet të luajë Dardan Vuthaj, sulmuesi i ardhur gjatë merkatos së verës te rrogozhinasit. Pjesa tjetër e skuadrës është pak a shumë ajo e zakonshmja, por trajneri Tetova ka edhe ndonjë dilemë që do ta zgjidhë këto dy ditë. Portën, ashtu si në ndeshjet europiane, do ta mbrojë Dabjani.

Bakajoko mungon gjithashtu, pasi nuk është rikuperuar ende. Sulmuesi pritet të jetë gati pas ndërprerjes së kampionatit në shtator, për shkak të ndeshjeve të Kombëtares.

PANORAMASPORT.AL

NDIQE LIVE "PANORAMA TV"

---