Partizani vijon të kryesojë Superioren dhe të regjistrojë një seri të gjatë pa humbje. Të kuqtë sfidojnë të dielën Laçin, teksa para kësaj beteje, në një prononcim për “Panorama Sport” ka folur ish-kapiteni Egzon Belica.

34-vjeçari vijon të jetë pjesë e Rabotnickit, ku luan titullar dhe ka shënuar 2 gola në këtë start sezoni. Ai flet për momentin e mirë të tij, analizon zhvillimet e Superiores dhe etiketon skuadrat favorite.

Egzon, e keni nisur sezonin me dy gola të shënuar në kampionat. Sa ju kënaq ky start kaq pozitiv?

Kemi bërë një fillim që të them të drejtën, nuk e ka pritur asnjëri. Përveç pikëve që kemi mbledhur, kemi bërë edhe ndeshje shumë të mira, duke ditur se jemi ekip me mjaft lojtarë të rinj. Sigurisht, më kënaq fakti që kam shënuar dy herë deri më tani, por më së shumti i gëzohem faktit se jemi ekipi me mbrojtjen me të mirë për momentin me vetëm 6 gola të pësuar në 14 ndeshje.

Në javët e fundit kemi parë dyshen Preka-Sembene në mbrojtje. Mund të bëhen ata si Bitri-Belica dikur?

Sigurisht që mund të bëhen, madje edhe më të mirë. Më pëlqen loja e Prekës, edhe pse nuk e njoh personalisht. Nëse luan rregullisht, mendoj se për 1 apo 2 sezone mund të bëhet një nga mbrojtësit më të mirë dhe të mbajë peshë të madhe te Partizani.

INTERVISTËN E PLOTË MUND TA LEXONI NË VERSIONIN PRINT TË GAZETËS PANORAMA SPORT

DENIS LALA-PANORAMASPORT.AL

NDIQE LIVE "PANORAMA TV"

---