EKSKLUZIVE/ Dorëzohet Gugash Magani, ja prapaskenat e dorëheqjes nga Tirana
Gugash Magani ndan rrugët me Tiranën. Trajneri në fund të ndeshjes me Egnatian ka qenë shumë i mërzitur për mënyrën sesi ekipi u mund.
Së bashku me stafin e tij, ai ka diskutuar dhe ka marrë vendimin për të dhënë dorëheqjen. “Panorama Sport” mëson se në fillim ai është takuar me anëtarin e bordit të KF Tiranës, Grent Halili dhe më pas ka marrë vendimin përfundimtar. Peqinasi, i ka njoftuar presidentit Refik Halili dorëheqjen dhe largimin nga skuadra.
Sipas Maganit, ai ka bërë gjithçka ka mundur për të ndërtuar një skuadër konkurrente, por ekipi vazhdon të pësojë gola të njëjtë nga ndeshja në ndeshje. Pozicioni i tij në këtë situatë do të ishte i tepërt dhe për këtë ka vendosur të largohet duke dhënë dorëheqjen e duke i dhënë klubit një mundësi për një trajner tjetër të marrë ekipin.
KONFIRMIMI – Trajneri i Tiranës ka konfirmuar për gazetën, që të shtunën dorëheqjen dhe largimin nga skuadra dhe tani është në dorë të presidentit për të vendosur për të ardhmen. Magani nuk ka dashur të flasë për situatën.
KLUBI – Për momentin, klubi Tirana nuk ka bërë asnjë reagim për çështjen. Presidenti, nuk ka reaguar për këtë çështje dhe nëse do ta pranojë apo jo dorëheqjen.
NDESHJET – Gugash Magani e mori Tiranën në 6 nëntor 2024. Ai debutoi me bardheblutë në sfidën me Bylisin, sfidë të cilën e fitoi 4-0. Ai drejtoi bardheblutë në 10 sfida, nga të cilat fitoi një në kampionat, katër i barazoi dhe pesë të tjera i humbi, duke përfshirë disfatën dhe eliminimin nga Kupa e Shqipërisë. Ka grumbulluar 7 pikë dhe 0.78 pikë për takim.
OLSI AVDIAJ-PANORAMASPORT.AL
