Bedri Greca është lojtari më i ri i Besës. Panorama Sport mëson ekskluzivisht se Greca ka gjetur akordin me klubin kavajas deri në verën e vitit 2026.

Kështu Besa përforcohet në sulm me objektiv rikthimin në Superiore pas shumë viteve. Greca ndërkohë largohet nga Elbasani, ndërsa ishte pjesë e verdhebluve prej verës së vitit 2023.

Këtë edicion kishte humbur vendin e titullarit tek Elbasani dhe kështu vendosi të rikthehet në Kategorinë e Parë.

34-vjeçari luan në krahun e majtë të sulmit dhe vendoset nën urdhërat e trajnerit Çela, pasi më parë ka veshur fanellën e Kastriotit, Laçit, Tiranës, Luftëtarit, Kukësit, Flamurtarit  dhe Tërbunit.

FERIZ FERIZAJ-PANORAMASPORT.AL

NDIQE LIVE "PANORAMA TV"

---