Pas largimit të trajnerit Gugash Magani, në skenë te Tirana kanë dalë emra të rinj që mund të drejtojnë bardheblutë.I pari është Klodian Duro. “Panorama Sport” mëson ekskluzivisht se drejtuesit bardheblu kanë kontaktuar Klodian Duro dhe me shumë gjasa do të jetë ai timonieri i ri i Tiranës, por nuk mungojnë dhe alternativat e tjera. Në orët në vijim pritet të ketë një vendim zyrtar për sa i përket “timonierit” të ri të kryeqytetasve. Vlen të theksohet fakti se Duro është një njohës i vjetër i ambientit bardheblu, teksa ka mbajtur veshur fanellën e Tiranës për shumë vite duke u shpallur edhe kampion.

SHKËMBI – Opsioni i dytë është një rikthim. Bëhet fjalë për Bledi Shkëmbin. Burime jo zyrtare bëjnë me dije se bardheblutë kanë kontaktuar korçarin, për ta kthyer në ekip. Ende nuk ka një përgjigje nga ish-trajneri deri në javën e 12-të të Kategorisë Superiore. Gjithashtu, një tjetër kandidat që lakohet në klub është Emanuel Egbo, për të cilin do të ishte gjithashtu një rikthim.

TË HUAJT – Opsioni i tretë në tavolinë janë të huajt. Presidenti Refik Halili ka pasur një ide për të marrë të huaj. Opsione të shumta i janë propozuar drejtuesve bardheblu, por asnjë ende nuk ka marrë “Ok”, për shkak të rrogës së lartë dhe kontratave afatgjatë që ata kërkojnë.

TË TJERËT– Një plan tjetër është që skuadra të ngrejë në detyrë një trajner nga akademia KF Tirana apo një trajner shqiptar. Në lojë janë disa emra si Gentian Mezani, Migen Memelli dhe Erjon Xhafa. Madje ky i fundit është kontaktuar, por pa gjetur një.

PANORAMASPORT.AL

NDIQE LIVE "PANORAMA TV"

---