Ndeshja mes Partizanit dhe Teutës e vlefshme për javën e 12-të të Superiores u mbyll me barazimin 1-1. Pas ndeshjes ka pasur përplasje në fushë, që ka vazhduar edhe në dhomat e zhveshjes.“Panorama Sport” mëson se për disa sekonda në hyrjen e tunelit është krijuar kaos dhe përleshje mes lojtarëve, aq sa në tunel janë futur forcat Shqiponja. Nga kamerat e sigurisë shihet një nga pjesëtarët e klubit të Teutës, që pret Sembene në hyrje të dhomave të zhveshjes dhe e sulmon fizikisht.

Më pas krijohet një rrëmujë e madhe, që fatmirësisht nuk përshkallëzohet në dhunë. Nga ajo që gazeta mësoi, personi që sulmoi ishte pjesëtar i stafit të  Teutës, teksa emri u mbajt sekret.

PANORAMASPORT.AL

NDIQE LIVE "PANORAMA TV"

---