Kevis Gjeci është shqiptari që do të zbresë sot në 21:00 në fushë kundër PSG-së në ndeshjen e Kupës, me ekipin e Espali e cila militon në kategorinë e pestë franceze.

Në një prononcim për “Panorama Sport”, mesfushori tregon si po pritet kjo ndeshje dhe se çfarë do të bëjë nëse i shënon PSG-së.

Si pritet aty në qytetin ku ti luan kjo ndeshje? Është ndeshja e ëndrrave. PSG është ekipi i yjeve. Qyteti po e pret me padurim. Biletat janë shitur për 50 minuta. Stadiumi është plot, rreth 16 mijë tifozë.

Çfarë premtim keni marrë nga klubi? Premtimi që kemi marrë është se nëse fitojmë, ndeshjen e radhës do e luajmë në “Parc de Prince” ose Velodrom të Marsejës.

Si janë shanset për një surprizë? Shanset janë të pakta, por janë. Do jetë shumë e vështirë po ne besojmë se mund të surprizojmë.

Çfarë do të besh nëse do shënosh gol? Nuk e di (qesh). Ndoshta stadiumit rreth e qark dhe pse jo të festoj me “Shqiponjën”.

KRISTI SEJATLLARI-PANORAMASPORT.AL

NDIQE LIVE "PANORAMA TV"

---