2 Korriku U19 nuk ka të ndalur në arenën Europiane, teksa ka shënuar fitore ndaj UC Dublin U19 në transfertë, kësaj radhe me rezultat 1-3 në UEFA Youth League. 

Ndeshjen e parë të zhvilluar në stadiumin “Fadil Vokrri” , prishtinasit e kishin fituar me rezultat 2-1. Edhe në transfertë në Dublin, 2 Korriku e nisi shumë mirë ndeshjen duke shënuar që në minutën e 13-të me sulmuesin Rin Ahmeti për 1-0. 

Me të filluar pjesa e dytë, vendasit arritën të shënonin me Jamie Ryan për 1-1.  Por sulmuesi tashmë i konfirmuar i 2 Korrikut, Ahmeti shënoi për 2-1 në minutën e 64-të.  Për të “vulosur” sfidën mendoi, Omer Shala që shënoi për 3-1 pas asistimit të Rin Ahmetit. 

Në raundin e parë 2 Korriku, eliminoi kampionët e Bylisit U-19, teksa tashmë pas kualifikimit të sotëm do të kalojnë në play-off ku do të ndeshen me Dinamo Kievin U-19.  

PANORAMASPORT.AL

NDIQE LIVE "PANORAMA TV"

---