Kupa e Shqipërisë e vë Erzenin sot përballë Dinamos. Shijakasit vijnë pas humbjes me Lushnjën në kampionat dhe ndaj kryeqytetasve do të përpiqen të tregojnë vlera, edhe pse e dinë mirë se sa e vështirë do të jetë.

Trajneri Ergys Luga, për “Panorama Sport” u shpreh:

“Duhet një Erzen agresiv, sepse përballë kemi ekipin e momentin në të gjitha aspektet në kampionatin shqiptar. Kemi ngarkesë, sepse vijmë nga një minifazë përgatitore. Po flas si ish-lojtar i dalë nga akademia e Dinamos. Luajmë ndaj një ekipi që drejtohet nga themeltari i shkollës moderne dinamovite, siç është Ilir Daja. Ata kanë edhe një president shumë bujar. Duhet shumë kujdes dhe sakrificë për këtë ndeshje. Duhet të jemi të qetë dhe të matur, sepse jemi ekip i ri në moshë”.

A.ALIKO-PANORAMASPORT.AL

NDIQE LIVE "PANORAMA TV"

---