Graham Poter po i afrohet një rikthimi në futboll për të zëvendësuar Julen Lopeteguin në stolin e Uest Hemit pas bisedimeve të mëtejshme pozitive me zyrtarët e klubit.

“Sky Sports News” kupton se ka optimizëm nga të dyja palët se një marrëveshje mund të arrihet, me 49-vjeçarin që mund të marrë drejtimin e ndeshjes së ardhshme të raundit të tretë të Kupës FA kundër Aston Vilës të premten.

Ka ende detaje kontraktuale për t’u dakordësuar mes dy palëve dhe Evertoni mbetet një klub gjithashtu i interesuar për shërbimet e tij, pasi presioni vazhdon të rritet mbi trajnerin aktual Shon Dajç. Poter ka qenë pa punë që kur u largua nga Çelsi në prill 2023, ndërsa më parë kishte drejtuar me sukses klubin e Brajtonit, Suonsit dhe skuadrën suedeze të Ostersundit.

Ai u përfol edhe si një kandidat i mundshëm për të marrë drejtimin e Anglisë pas largimit të Garet Sauthgejtit.

PANORAMASPORT.AL

NDIQE LIVE "PANORAMA TV"

---