Rrallë ndodh që një 17-vjeçar të jetë kryefjalë në një ndeshje futbolli. Por kur emri i tij është Lamin Jamal, gjithçka kalohet sikur të ishte diçka e zakonshme. Dhe në Beograd sot në mbrëmje pritet një duel mes dy talentesh, atij te Barcelonës dhe kombëtares spanjolle nga njëra anë dhe atij të Cërvena Zvezdës, Andrija Maksimoviç.

Talenti i bardhekuve të Beogradit, foli për mediat në preh të takimit duke i lëshuar sfidën yllit të Barcelonës. “Çdo gjë është e mundur para tifozëve tanë, janë një shtysë e rëndësishme për ne. Por Barcelona meriton të gjithë respektin e duhur. Jamal është një lojtar i madh. Por ai është dhe një motiv më shumë. Do të dal në fushë dhe do të tregoj se jam më i mirë sesa Jamal. Shpresoj që të shkëmbejmë fanellat pas ndeshjes”.

Fermin Lopez po rikuperon pak nga pak rëndësinë e tij te Barcelona, pas një dëmtimi që e la jashtë skuadrës për gjashtë ndeshje. Mesfushori konsideron se që nga ardhja e Hansi Flik, në skuadër kanë ndryshuar shumë gjëra duke thënë se Barcelona është përmirësuar shumë.

Fermin është ndalur më tej te takimi, duke e vënë theksin te presioni i madh që ka në Beograd, veçanërisht nga tifozëria serbe. Zvezda luan në të ashtuquajturën “Maracaná e Vogël”, arenë e shumë ndeshjeve të profilit të lartë. Ndaj Fermin pret një atmosferë të nxehtë. “Do të na shtrydhin”, ka komentuar ai. Duke pasur parasysh konkurrencën në mesfushë, Fermin Lopez nuk përjashtoi mundësinë që ai të përfundojë si 9 false. “Do të luaj aty ku më kërkon trajneri”, tha ai.

PANORAMASPORT.AL

NDIQE LIVE "PANORAMA TV"

---