Simone Inzagi do të konfirmojë lojtarët më të mirë që ka në dispozicion për Napolin.Pas rrotacionit që bëri me Arsenalin do të zbresë në fushë ekipin e yllit të dytë. Zomer do të konfirmohet në portë dhe për këtë nuk ka asnjë detaj, ndërsa Pavar do të jetë sërish në mbrojtje. E vetmja dilemë është Açerbi-De Vraj, por italiani më i avantazhuar për shkak të duelit me Lukakun. Edhe Bastoni do të luajë nga minuta e parë.

Ndërkohë që në mesfushë do të luajë tresha Çalhanoglu-Barela dhe Mkitarian. Në krahun e djathtë të mesfushës do të aktivizohet Darmian dhe majtas Dimarko. Nuk ka asnjë dilemë që në sulm do të luajë dyshja Lautaro-Turam.

Ndërkohë që Antonio Konte ka rikuperuar Lobotkën dhe do ta zbresë nga minuta e parë në fushën e lojës. Pjesa tjetër është me lojtarët më të mirë që ka në dispozicion.

PANORAMASPORT.AL

NDIQE LIVE "PANORAMA TV"

---