Egnatia ka mposhtur Bylisin me rezultatin 0-2. Sfida e javës së 14-të në Superiore sheh rrogozhinasit të shijojnë 3 pikët dhe të ngjiten në vendin e tretë. Kështu lënë pas Dinamon me dy pikë më tepër. Bylisi ndërkohë mbetet në vendin e fundit. Rrogozhinasit u zgjuan në fundin e pjesës së parë. Ishte pikërisht Zejnullai që përktheu një penallti në gol, pasi u fitua nga Bakajoko.

Në të dytën tensioni u shtua te Bylisi, ndërsa pati protesta dhe te kryesori Alla. Ky i fundit largoi me karton të kuq Edison Ndrecën nga rrogozhinasit, disa minuta para fundit të kohës së rregullt, pasi plotësoi kartonin e verdhë.

Bylisi po provonte gjithçka në sulm, por pa sukses. Kështu në sekondat e fundit ishte Egnatia që përfitoi dhe Ujka dyfishoi shifrat.

REZULTATI PËRFUNDIMTAR

BYLIS 0-2 EGNATIA

45′(p) Zejnullai, 90+9′ Ujka

NGJARJET KRYESORE

90+9′ Mbyllet ndeshja me fitoren e Egnatias.

90+9′ GOOOOL! Ujka shënon në aksionin e fundit të sfidës. (VIDEO)

90+6′ Ahmetaj merr vendin e Zejnullait tek Egnatia.

90+5′ Malomo godet jashtë topin e dhe pretendon për prekje nga rrogozhinasit. (VIDEO)

90+3′ Bylisi provon të shfaqet i rrezikshëm në minutat e mbetura.

90′ Akordohen 6 minuta shtesë. Dede shfaq pakënaqësi me Maletajn.

87′ Tension te stoli i rrogozhinasve. Kryesori Alla shkon për të qetësuar situatën. (VIDEO)

85’ Ndreca merr kartonin e dytë të verdhë dhe largohet me karton të kuq për ndërhyrje të parregullt. (VIDEO)

82’ Uotlai merr vendin e Lushkjes tek Egnatia, ndërsa Jahaja të Bakajokos dhe Alijev të Fangajt. Krijohet tension mes lojtarëve për vonesa.

81’ Bakajoko tund rrjetën për Egnatian, por është anësori që ngre flamurin për pozicion jashtë loje. (VIDEO)

78’ Karton i verdhë për Xhemajlin, që shkakton faull në dëm të Abazajt.

78’ Abazaj ndal Lushkjen që i afrohet shumë portës së mbrojtur nga Hasanbelli. Mesfushori i Egnatias nuk ia del të godasë. (VIDEO)

75’ Ndreca i afrohet golit te Egnatia. Provon të gjejë shtyllën e dytë, ndërsa topi përfundon jashtë. (VIDEO)

74′ Ndreca ndëshkohet me karton të verdhë.

71′ Gjata dhe Ualison marrin vendin e Përgjonit dhe Berkos.

69’ Faull i shkaktuar nga Malomo që tentoi me roveshatë në zonë. Alla jep karton të verdhë për të, ndërsa ka tension nga ana e rrogozhinasve, i dëmtuar ka mbetur Malota. (VIDEO)

69’ Egnatia pretendon për penallti në dëm të Bakajokos. (VIDEO)

65’ Egnatia provon të ndërtojë diçka në zonën e Bylisit, por topi goditur përfundon shumë larg portës.

64’ Sulovari ndëshkohet me karton të verdhë pasi nuk pranon dhe proteston për faullin e akorduar nga Laver Alla.

64’ Goditje nga këndi që ekzekutohet nga Treni për Bylisin. Rreziku largohet nga mbrojtja rrogozhinase. (VIDEO)

61’ Berko lëviz mirë në zonë, por nuk ia del të godasë. Kontrollon Dobjani. (VIDEO)

54’ Pretendime për penallti nga ana e Bylisit, ndërsa Alla vazhdon lojën. Është Treni që pretendon për pengim nga Zejnullai. (VIDEO)

54′ Ofori i lë vendin Kamaras te Bylisi.

53′ Goditje nga jashtë zone e Malomos. Gjithçka përfundon jashtë.

50′ Faull nga Aleksi dhe nuk mungojnë protestat nga dy anët. Bylisi kërkon kartonin e dytë të verdhë për Aleksin, ndërsa rrogozhinasit nuk janë dakord me faullin e akorduar. (VIDEO)

49′ Bakajoko provon të befasojë portierin Hasanbelli, por pa sukses. Goditja e tij përfundon jashtë. (VIDEO)

46′ Nis pjesa e dytë. Ka një ndryshim te Bylisi pasi Papa i lë vendin Trenit.

45+5′ Mbyllet pjesa e parë me rezultatin 0-1 për Egnatian.

45+2’ Karton i verdhë për Oforin pas ndërhyrjes së gabuar.

45′ Akordohen 3 minuta shtesë.

44′-45′ GOOOL! Penallti e fituar nga Bakajoko pas ndërhyrjes së Markut. Ky i fundit ndëshkohet me karton të verdhë. Zejnullai e merr përsipër dhe e përkthen në gol 11-metërshin. (VIDEO)

42’ Bakajoko humbet rastin më të mirë të sfidës deri tani. Sulmuesi i Egnatias kontrollon mjaft mirë topin dhe godet, ndërsa sfera përfundon jashtë. (VIDEO)

39’ Faull nga Aleksi i cili e ka një karton të verdhë. (VIDEO)

38’ Sulovari tenton të bëjë gjithçka vetë. Është Fangaj në anën tjetër që ndal topin e goditur nga lojtari i Bylisit.

31’ Papa merr ndihmën e stafit mjekësor. I pafat sulmuesi që pëson dëmtim pasi po shoqëronte topin jashtë. Në fillim sinjalizohet për ndërrim, ndërsa më pas Papa rifutet në lojë. (VIDEO)

28’ Hasanbelli mbyll një rast të krijuar nga Egnatia. Bakajoko sheh portierin kundërshtar të dërgojë topin në rivënie fundore. (VIDEO)

25’ Ballshiotët tregohen kërkues në mesfushën e Egnatias. Asgjë me rrezik nga vendasit.

21’ Harkon Peralta dhe Dobjani nuk ia del të kontrollojë topin që përfundon në këndoren e tretë në favor të Bylisit. (VIDEO)

17’ Peralta ndëshkohet me karton të verdhë pasi Alla konsultohet me arbitrin e katërt. Ishte Bylisi që fitoi faull ndërkohë. (VIDEO)

11′ Top i humbur nga Albano Aleksi që nuk shfrytëzohet si duhet nga Përgjoni. (VIDEO)

9’ Nervozizëm mes Aleksit dhe Peraltës pas një faulli të fituar nga Bylisi. Alla ndëshkon me karton të verdhë Aleksin i cili proteston për kartonin e dhënë. (VIDEO)

7’ Skuadrat luajnë të ngjeshura dhe aksionet prishen pa konkretizuar me goditje në fazën sulmuese.

5’ Egnatia qarkullon topin në gjysmëfushën e saj.

3’ Skuadrat luajnë fort në fillimin e ndeshjes.

1′ Nis ndeshja në Ballsh.

Mbahet 1 minutë heshtje në nder të Martin Canit, të ndjerit që luante me Dinamon U-15.

FORMACIONET ZYRTARE

BYLIS: Hasanbelli, De Souza, Tafek, Sulovari, Ofori, Berko, Marku, Papa, Peralta, Përgjoni, Abazaj

Trajner: Nevil Dede

EGNATIA: Dobjani, Dylis, Aleksi, Lushkja, Bakajoko, Malota, Ndreca, Zejnullai, Xhemajli, Ujka, Fangaj

Trajner: Edlir Tetova

PANORAMASPORT.AL

NDIQE LIVE "PANORAMA TV"

---