Ish-sulmuesi i Partizanit, Edmond Dosti, ka shfrytëzuar “merkaton verore” për të bërë batuta në rrjetet sociale. Ai ka shkruar se do të jetë pjesë e stafit të Pogradecit këtë sezon, skuadrës juglindore, do të militojë në Kategorinë e Dytë.

Këtë shaka, Dosti e ka bërë publik vetë, nëpërmjet një postimi në faqen zyrtare në “Facebook”, pas ndeshjes miqësore që Pogradeci zhvilloi ndaj Besës së Kavajës, sfidë kjo që përfundoi me rezultatin 1-1.

Ish-sulmuesi ndau një foto në praninë e shefit të klubit Kopi Gusho, drejtorit sportiv Nesti Binishi dhe trajnerit Samuel Nikaj duke shkruar: “Kënaqësi që prej ditës së sotme pjesë e stafit të FK Pogradecit. FK Pogradeci kampion”.

E gjithë kjo ishte një shaka nga ana e Dostit.

PANORAMASPORT.AL

NDIQE LIVE "PANORAMA TV"

---