Një tjetër fundjavë pozitive ishte ajo që lamë pas për legjionarët shqiptarë që luajnë jashtë kufijve.Portali i njohur i statistikave, “Sofascore” sjell për lexuesit e “Panorama Sport” pesë legjionarët me vlerësimet më të larta.

Vendin e parë e mban sulmuesi i Kombëtares shqiptare, Mirlind Daku i cili realizoi dygolësh brenda 10 minutave në sfidën e kampionatit rus mes Rubin Kazan dhe Akron Toljati.

Ish-kapiteni i Partizanit, Eneo Bitri është renditur në vendin e dytë pasi shënoi një tjetër gol në kampionatin hungarez. Kristjan Asllani e nisi si titullar me Interin kundër Veronës ku shkëlqeu edhe me një asist tek goli i katërt. Kështu mesfushori i Shqipërisë është renditur në vendin e 3-të.

Një tjetër mesfushor i Kombëtares, Amir Abrashi ka luajtur si titullar me Grasshoper duke bërë një paraqitje të mirë. Top 5-shja plotësohet me Lindon Selahin.

PANORAMASPORT.AL

NDIQE LIVE "PANORAMA TV"

---