Flamurtari është një prej klubeve që po investon më shumë në Kategorinë e Parë këtë sezon. Klubi vlonjat së fundmi ka vendosur të ndryshojë fushat stërvitore dhe shtojë bazën materiale, si për në ndihmë të Akademisë dhe ekipit të parë.

“Sapo ka mbërritur kamioni i parë me fushat e reja dhe baza materiale për akademinë dhe ekipin e parë, investim 100% i Flamurtari Football Club”, shkruhet në postimin e klubit që e shoqëron me foto.

Në 5 javë të luajtura deri tani në ligën e dytë për nga rëndësia në futbollin shqiptar, Flamurtari numëron 12 pikë. 1 humbje e pësuar në fillim i lë aktualisht vlonjatët në vendin e dytë, me 1 pikë më pak se Besa kryesuese.

PANORAMASPORT.AL

NDIQE LIVE "PANORAMA TV"

---