Falë 29 golave në tetë ndeshjet e para, Bajerni vendosi një rekord historik që vetëm ata e kishin arritur në sezonet 2021/22 dhe 1976/77.

Bie në sy veçanërisht Herri Kejn, i cili tashmë ka shënuar nëntë gola. Bomberi anglez tani kryeson sërish listën e golashënuesve më të mirë të Bundesligës, së bashku me Omar Marmoush të Frankfurtit. Nënshkrimi i ri Mishel Olize gjithashtu impresionoi me pesë gola. Interesante është se bavarezët tashmë ka shënuar 15 gola më shumë këtë edicion në kampionat se Lajpcig, i cili aktualisht është i barabartë me pikë.

Trajneri i gjigandëve nga Mynihu, Vinsent Kompani, ka vendosur gjithashtu një rekord të ri me 29 gola. Asnjë trajner i Bundesligës para tij nuk ishte në gjendje të festonte kaq shumë gola në tetë ndeshjet e tij të para. Një pikë plus shtesë për rekordmenët e Gjermanisë është shkathtësia e fortë e sulmit të tyre. Dhjetë golashënues të ndryshëm kanë shënuar tashmë, gjë që tregon fleksibilitetin në lojën ofensive. Kjo shpërndarje e fortë e finalizimeve jo vetëm që nuk vendos suksesin mbi supet e lojtarëve individualë, por gjithashtu nënvizon gjerësinë dhe cilësinë e skuadrës së Bajernit këtë sezon.

Tifozët bavarezë mund të jenë kuriozë për të parë nëse skuadra mund të vazhdojë këtë ecuri rekord në javët e ardhshme. Edhe pse emri i Jup Hajnkes, Pep Guardiola apo Hansi Flik është “skalitur” me germa të arta në sukseset e Bajernit, sërish nuk ia kanë dalë të kenë nisje kaq perfekte në spektrin e golave si Vinsent Kompani.

PANORAMASPORT.AL

NDIQE LIVE "PANORAMA TV"

---