Bajern Mynih pësoi humbjen e parë në Bundesligë për edicionin 2024-2025. Ekipi i Mainc i ktheu me “këmbë në tokë” te besuarit e Vinsent Kompani pas nisjes gati perfekte të ligës gjermane.Golat e Jae-Sung Li në minutat 41′ dhe 60′ rezultuan përcaktuese për të thyer miqtë, ku finalizimi i Leroi Sane në minutat e fundit vlejti vetëm për statistikë. Pas kësaj disfate diferenca me ndjekësit është ngushtuar dhe gara është më e hapur se kurrë, aty ku Eintraht Frankfurt dhe Bajer Lerverksuen janë afruar ndjeshëm. Më poshtë po ju prezantojmë me “pasojat” në kampin e Bajernit që la ky takim:

1. NJË RIKTHIM I TMERRSHËM NË EPOKËN “TUHEL” Humbja e bavarezët në transfertën e Mainc të kujton paraqitjet më të këqija të skuadrës sezonin e kaluar nën drejtimin e Tomas Tuhel. Mbi të gjitha, disfatat jashtë shtëpisë kundër skuadrave të supozuara të vogla si Bohum apo Haidenhaim, përfundimisht i kushtuan Tuhelit punën e tij. Nën drejtimin e Kompani, skuadra në fakt është dashur të akuzohet kundër kundërshtarëve të mirë, si Barcelona apo Leverkusen. Në Mainc tani ka pasur një regres të keq në epokën “Tuhel”. Rekordmenët luajtën pa imagjinatë dhe pa frymëzim, yjet dukeshin të lodhur. Të paktën në deklaratat e tyre pas ndeshjes, skuadra e Mynihut nuk ra në modele të vjetra. Dikur eliminoheshim nga Kupa, por tani jemi jashtë në të njëjtën mënyrë. Në Bundesligë dhe në Ligën e Kampioneve ata kishin grumbulluar më shumë pikë në të njëjtën kohë nën drejtimin e Tuhel. Rënia e vërtetë erdhi në fillim të gjysmës së dytë të sezonit.

2. KIM, NË GJENDJEN E TIJ MË TË KEQE Asnjë lojtar i Bajernit nuk mund të veçohej pozitivisht pas ndeshjes në Mainc. Por një personazh me të vërtetë luajti si në kohët më të errëta të Tuhel, Minxhae Kim. Mbrojtësi nga Koreja e Jugut në fakt kishte bërë një zhvillim të shkëlqyer në ndeshjet e fundit. Kim jetoi me reputacionin e tij si një përbindësh mbrojtës, duke pastruar kritikat. Por së fundmi nuk ishte në nivelin e duhur për të ndalur sulmet e rivalit, të cilat rezultuan fatale për ekipin e tij. Të njëjtën tablo negative dhuroi nën “ombrellën” e Tomas Tuhel, thuajse “nota” identike mbajti edhe me Mainc në “timonin” e Vinsent Kompanis.

3. BAJERNI ËSHTË SHUMË I VARUR NGA MUSIALA Ditmar Haman i mërziti të gjithë në Mynih me “teorinë” e tij. Pas humbjes në Mainc, Haman padyshim kishte një pikë kur analizoi: “Nëse Musiala është i zbehtë, Bajern është i zbehtë”. Varësia e bavarezëve nga ylli i tyre ofensiv është tashmë e dukshme. Musiala ka bërë një tjetër hap përpara këtë sezon. Ai shënon shumë gola dhe mbështet lojën sulmuese të ekipit me veprimet e tij ndonjëherë brilante. Xhamal nuk ishte protagonist kundër Mainc dhe Bajern humbi. Lojtarët ofensivë si Myler dhe Sane ishin në fushë, por nuk mund të shtonin asgjë në lojën e skuadrës së tyre. Meqë ra fjala, nuk ishte hera e parë këtë sezon që të dy të përmendurit zhgënjyen.

SAIMIR MBËRSI-PANORAMASPORT.AL

NDIQE LIVE "PANORAMA TV"

---