Ecuri fantastike e Kristian Shpendit, i cili është duke ecur në gjurmët e binjakut të tij Stiven Shpendi, i cili në merkaton e verës, bëri hapin e madh në karrierë duke u transferuar te Empoli në Serinë A.  

Ndërkohë Kristiani, mbrëmjen e sotme shënoi për herë të tretë radhazi në Serinë C italiane, me fanellën e Çezenës, teksa vetëm 100 sekonda i mjaftuan, për të tundur rrjetën e portës së SPAL-it që mbrohet nga portieri Alfonso.  

Talenti i Kombëtares Shpresa nuk u mjaftua me kaq, teksa në minutën e 35-të shënoi edhe golin e dytë personal në triumfin 3-1 të arritur në shtëpi.

20-vjeçari është shndërruar në një protagonist absolut te skuadra bardhezi, teksa me golat e tij e ka ngjitur në vendin e dytë Çezenën.  

PANORAMASPORT.AL

NDIQE LIVE "PANORAMA TV"

---