Interi po luan me dy porta, Fratezi bëhet “telenovelë”
Roma është duke menduar goditjen, Napoli po mediton dhe Juventusi po vëzhgon. E vërteta është që çështja “Fratezi” është duke lodhur Interin. Ose më mirë të përdorin kohën e shkuar: E ka lodhur.
Jemi thjesht në fillimin e merkatos së dimrit, por klubi zikaltër e ka humbur durimin me lojtarin që kërkon të largohet për të luajtur më shumë dhe si titullar. Interi është befasuar nga kjo situatë sepse nuk mendonte që do të bënte një merkato janari shumë të vrullshme, por largimi i tij mund të hapë dritare të reja diskutimi.
TAKIMI- Në ditët e shkuara ka pasur një takim mes Davide Fratezit dhe trajnerit Simone Inzagi, i cili i ka kërkuar llogari pse nuk luan më shumë. Trajneri ia ka bërë të qartë se kjo është hierarkia dhe lojtari duhet ta respektojë. Madje i ka bërë me dije se nuk është impenjuar maksimalisht. Në rast se nuk i pëlqen ky fakt, mund të largohet nga Interi. Kjo deklaratë e trajnerit sigurisht që e ka befasuar Fratezin që i ka kërkuar menaxherit largimin.
ÇMIMI- Roma është skuadra më e interesuar seriozisht për lojtarin. Interi në fakt është duke luajtur me çmimin e tij. Kërkon 50 milionë euro. Por ka edhe një strategji tjetër për skuadrat që janë rivalet direkte për titullin kampion, Napoli dhe Juventus. Për këta të fundit, Fratezi kushton 70 milionë euro. Një lëvizje si për t’i trembur dhe për t’i larguar nga interesimi për të, të paktën tani në janar.
KRISTANTE- Roma kërkon që të përfshijë Kristanten si huazim në këtë marrëveshje, në mënyrë që të ulë çmimin e mesfushorit italian. Mirëpo, Interi nuk është i interesuar që ta përfshijë Kristanten. Këtë të fundit madje mund ta pranojë thjesht si një huazim deri në fundin e sezonit, në mënyrë që ta mbyllë sa më shpejt çështjen e zëvendësuesit të Fratezit.
Megjithatë Interi shpreson që të shmangë këtë transferim për momentin sepse do të prishte shumë ekuilibra në mesfushë dhe do të bëjë gjithçka për ta mbajtur lojtarin deri në fundin e sezonit. Kjo do të çonte në një krisje, sepse lojtari nuk do të ishte shumë i lumtur me qëndrimin.
PANORAMASPORT.AL
NDIQE LIVE "PANORAMA TV"
