Valbona do të luajë dy takime brenda 4 ditësh gjatë javës tjetër. Fillimisht do të ndeshet të mërkurën për Kupë në Shijak kundër Erzenit, ndërsa në fundjavë presin Burrelin në Tropojë për javën e 13-të të kampionatit.

Dy objektivat e Valbonës në këtë sezon, janë, mbijetesa dhe kalimi i dy tureve në Kupë. Një nga afrimet e kryera nga Valbona në merkaton e verës, irlandezi Udo Robertson, për “Panorama Sport” deklaroi: “Jam i kënaqur me zgjedhjen që kam bërë, duke veshur fanellën e Valbonës.

Të gjithë më kanë mirëpritur dhe janë treguar korrekt me mua, ku veç futbollit po shijoj edhe natyra mahnitëse që të ofron Tropoja dhe Shqipëria. Skuadra e Valbonës ka dy objektiva të qarta, që na e kanë bërë me dije zyrtarët e klubit.

Besoj se ekipi do i realizojë të dyja. Valbona synon mbijetesën në kampionat dhe kalimin e turit të dytë në Kupë. Ne do të japim gjithçka nga vetja për t’i realizuar objektivat”.

ABDULLA DUSHKU-PANORAMASPORT.AL

NDIQE LIVE "PANORAMA TV"

---