Edhe pse në La Liga iu desh pak kohë që të futej në ritëm, duket se debutimet janë të preferuara për Kilië Mbapenë. Francezi ngriti siparin e golave në Champions-in e Realit të Madridit, që e futi mes 10 golashënuesve më të mirë të historisë së këtij kompeticioni dhe e bëri me energjinë që atij e karakterizon.

Stadiumi për pak sa nuk u shemb nga festa. Me këtë gol ai shkoi në kuotën e 49 të tillëve në kompeticionin më të rëndësishëm Europian. Por ky është gol special dhe i pari me fanellën madrilene. Francezi ka shënuar 5 gola në 7 ndeshje me Realin e Madridit në të gjitha kompeticionet, Superkupë, La Liga dhe Champions.

Edhe pse zhbllokimi në La Liga vonoi disi, duket se në momentet e mëdha e bën në mënyrë natyrale. Goli erdhi në momentin që nisi pjesa e dytë. Magjia e “Bernabeut” dhe mbrëmjet fantastike europiane do të karikojnë sulmuesin francez. Tani ai do të kërkojë trofeun e munguar.

PANORAMASPORT.AL

NDIQE LIVE "PANORAMA TV"

---