Në kuadër të kalendarit vjetor të garave, Federata Shqiptare Bilardos dhe Snookerit do të mbajë këtë fundjavë Kampionatin Kombëtar Individual në disiplinën me 8 gurë.Aktiviteti do të zhvillohet në datat 28 dhe 29 shtator në “Arena e Bilardos Tirana” në Kombinat. Federata ka njoftuar hapjen e regjistrimeve për këtë kompeticion, ndërsa ka publikuar edhe çmimet për fituesit. Kështu vendi i parë do të përfitojë 40 mijë lekë, vendi i dytë 20 mijë lekë, vendi i tretë dhe i katërt nga 10 mijë lekë, ndërsa për vendin e pestë do të shkojnë 5 mijë lekë.

Ceremonia e hapjes do të mbahet me 28 shtator në orën 10:00, ndërsa tarifa e regjistrimit për pjesëmarrësit do të jetë 2 mijë lekë për të rriturit dhe falas për bilardistët nën 18 vjeç.

Gjithashtu federata bën të ditur se akomodimi do të jetë falas për për bilardistët që vijnë nga qytetet e tjera, ndërsa për sa i përket kodit të veshjes ai do të jetë: “t-shirt” me 3 kopsa (bluzë polo), pantallona të zeza dhe këpucë të zeza.

PANORAMASPORT.AL

NDIQE LIVE "PANORAMA TV"

---