Serxhio Konseisao ishte një nga kandidatët më të fortë për të marrë drejtimin e Milanit gjatë verës. Ish-trajneri i Portos, i larguar nga drejtimi i “Dragonjve”, për momentin është pa ekip pasi ra pista që e shihte atë në stolin e kuqezinjve të cilët zgjodhën një tjetër portugez, Paulo Fonsekën.

Konseisao ka shqyrtuar disa oferta gjatë verës, por për momentin është ende pa ekip, Kjo ka shtyrë klubin e Dinamo Zagrebit që të mendonte për teknikun dhe i ofroi atij mundësinë të drejtonte ekipin pjesë të cilit është edhe futbollisti i Kombëtares kuqezi, Arbër Hoxha.

Dinamo shkarkoi trajnerin e saj pas turpërimit 9-2 nga Bajern Mynih në Ligën e Kampioneve dhe kërkon një emër të rëndësishëm që ta kthejë në shinat e duhura. Oferta ekonomike për Konseisaon ishte shumë e mirë, pasi i garantonin një rrogë prej 2 milionë eurosh në muaj.

Por mësohet se trajneri e ka refuzuar këtë mundësi, duke u bërë të qartë se dëshiron të vazhdojë në një kampionat më të rëndësishëm, pavarësisht vlerësimit maksimal që kishte për Dinamo Zagreb si një prej klubeve kryesore në Ballkan.

PANORAMASPORT.AL

NDIQE LIVE "PANORAMA TV"

---