Trajneri i Francës, Didie Deshamp do të telefonojë në ditët në vijim kapitenin Kilië Mbape për të zgjidhur çështjen e shiritit në kombëtaren franceze. Trajneri, siç njoftoi “L’Équipe”, do ta pyesë sulmuesin nëse dëshiron të vazhdojë të jetë kapiten i “Les Bleus”.

Nëse përgjigja do të jetë pozitive, debati do të zgjidhet me një goditje të lapsit, por nëse, nga ana tjetër, do të ketë ndonjë dyshim, tekniku do të fillojë një reflektim për ta pasuar atë. Mbape që nuk luan me Francën që nga shtatori dhe mungoi në ndeshjet e tetorit dhe nëntorit ndezi një debat të fortë në Francë.

Mbape ka humbur shumë nga reputacioni i tij te publiku francez dhe nëse bisedimet me Deshamp nuk do të japin fryte, ai do të zëvendësohet, me disa lojtarë si pretendentë, Tçuameni, Ngolo Kante apo Konate. Në orët në vijim pritet që të dyja palët të bisedojnë për të marrë një vendim të përbashkët.

PANORAMASPORT.AL

NDIQE LIVE "PANORAMA TV"

---