Vora do të luajë dy përballje të rëndësishme në shtëpi, sot ndaj Gramshit në Kupë, për të vijuar me Lushnjën në kampionat. Lidhur me këto dy takime, kapiteni i Vorës, Xhuljo Tabaku, për “Panorama Sport” u shpreh:

“Vora vlerëson maksimalisht çdo ndeshje dhe kundërshtar. Jemi përgatitur çdo ditë me përkushtim për të marrë atë që duam në të dy takimet e kësaj jave. Kemi pësuar vetëm një humbje në Vlorë, që ishte thjeshtë aksidentale. Për fat ndodhi në fillim të kampionatit dhe nuk na ka kushtuar në ecurinë tonë drejt objektivit. Përkundrazi, na zgjoi si ekip dhe këtë po e tregojmë nga java në javë. Kampionati është shumë i gjatë dhe ne jemi brenda objektivave.

Ne nuk ecim me laps e letër. Lapsin e letrën ua lëmë atyre të kafeneve. Fokusi ynë është dhe mbetet ndeshja e radhës, e asgjë më shumë. Kur të vijë koha do ta diskutojmë edhe për përballjet me rivalët. Ne po fokusohemi në takimet e kësaj jave, ku do të kërkojmë fitoren me Gramshin në Kupë dhe Lushnjën në kampionat”.

ABDULLA DUSHKU- PANORAMASPORT.AL

NDIQE LIVE "PANORAMA TV"

---