Kastrioti më në fund ka gjetur trajnerin e ri për këtë sezon në Kategorinë e Parë. Skuadra krutane ka arritur akordin me një emër të njohur si Dorjan Bubeqi, i cili do të jetë ai që do të ketë për detyrë ringritjen e ekipit për ta kthyer në pretendent për ngjitjen në Superiore.

Një afrim i papritur edhe për faktin se Bubeqi në fakt kishte nisur sezonin si pjesë e Besës. AI ishte prezantuar pak ditë më parë si drejtori teknik i kavajasve, për të ndihmuar Mirel Josën që të përgatiste një ekip të denjë për t’u kthyer në Superiore.

Por duket se ai ka preferuar që të kthehet përsëri në pankinë, ashtu siç ka bërë në vitet e fundit, duke firmosur tashmë me Kastriotin, për t’u kthyer në një rival për Besën në rrugëtimin e saj në këtë edicion në Kategorinë e Parë.

PANORAMASPORT.AL

NDIQE LIVE "PANORAMA TV"

---